Copa Mundial de Fútbol Sub-20
From Wikipedia, the free encyclopedia
La Copa Mundial de Fútbol Sub-20 ye un tornéu internacional de seleiciones nacionales de fútbol compuestes por xugadores masculinos menores de 20 años. El tornéu ye entamáu cada dos años pola FIFA y surdió en 1977 como deriváu de la Copa Mundial de Fútbol, el principal eventu d'esti deporte, amás de tener como principal antecedente'l Campeonatu Mundial Xuvenil Amateur de Cannes.
Copa Mundial de Fútbol Sub-20 | |
---|---|
Xeneral | |
Tipu de competición | actividá deportiva periódica |
Deporte | fútbol |
Organizador | FIFA |
Historia | |
Fundación | 1977 |
Competición | |
Participantes | 24 |
Periodicidá | Cada 2 años |
Web oficial | |
Llamada oficialmente Copa FIFA Coca-Cola hasta 1997 y Copa Mundial de Fútbol Xuvenil hasta 2005, la Copa Mundial de Fútbol Sub-20 caracterizóse por ser la plataforma de grandes figures del fútbol mundial. Ente dellos campeones destacaos d'esti tornéu pueden mentase a Diego Maradona, Davor Šuker, Zvonimir Boban, Luís Figo, Juan Román Riquelme, Xavi Hernández, Iker Casillas, Javier Saviola, Daniel Alves, Lionel Messi, Sergio Agüero, Philippe Coutinho y Paul Pogba.
De ventiún torneos apostaos, solo 10 países ganaron el mundial. Arxentina, con seis títulos, lidera'l tornéu, siguíu polos cinco campeonatos de Brasil. Portugal y Serbia (nuna ocasión como Yugoslavia) ganaron dos veces l'eventu, ente que les seleiciones de España, Ghana, Alemaña, Francia, Inglaterra y Rusia (como Xunión Soviética) ganar nuna oportunidá.