Cálculu vectorial
From Wikipedia, the free encyclopedia
El cálculu vectorial o analís vectorial ye un campu de les matemátiques referíes al analís real multivariable de vectores en 2 o más dimensiones. Ye un enfoque de la xeometría diferencial como conxuntu de fórmules y téuniques pa solucionar problemes bien útiles pa la inxeniería y la física.
Consideramos los campos vectoriales, qu'acomuñen un vector a cada puntu nel espaciu, y campos escalares, qu'acomuñen un escalar a cada puntu nel espaciu. Por casu, la temperatura d'una piscina ye un campu escalar: a cada puntu acomuñamos un valor escalar de temperatura. El fluxu de l'agua na mesma piscina ye un campu vectorial: a cada puntu acomuñamos un vector de velocidá.
Cuatro operaciones son importantes nel cálculu vectorial:
- Gradiente: mide la tasa y la direición del cambéu nun campu escalar; el gradiente d'un campu escalar ye un campu vectorial.
- Rotor o rotacional: mide l'enclín d'un campu vectorial a rotar alredor d'un puntu; el rotor d'un campu vectorial ye otru campu vectorial.
- Diverxencia: mide l'enclín d'un campu vectorial a aniciase o converxer escontra ciertos puntos; la diverxencia d'un campu vectorial ye un campu escalar.
- Laplaciano: rellaciona'l "permediu" d'una propiedá nun puntu del espaciu con otra magnitú, ye un operador diferencial de segundu orde.
La mayoría de los resultaos analítiques entiéndense más fácilmente usando la maquinaria de la xeometría diferencial, de la cual el cálculu vectorial forma un subconxuntu.