Dinastía Zhou
From Wikipedia, the free encyclopedia
La dinastía Zhou (chinu antiguu: 周, Wade-Giles: Chou¹, pinyin: Zhōo) foi una dinastía china que gobernó ente alredor de 1050 e.C. y 256 e.C. Ye la tercer dinastía china na historia tradicional, y la segunda, tres la dinastía Shang, de la qu'esiste constancia por fontes escrites de la so dómina. Floriaron artes y téuniques ornamentales, que manifestaron, como en munches cultures mesoamericanes y europees, el deséu de los homes de comunicase colos inmortales. La dinastía Zhou foi la postrera de les dinastíes de reis anteriores a les dinastíes imperiales. Nesta dómina vivieron los grandes pensadores chinos de l'antigüedá, como Confucio, y empecipióse la lliteratura china clásica.
| ||||
---|---|---|---|---|
dinastía china (es) | ||||
Alministración | ||||
Forma de gobiernu | Monarquía | |||
Llingües oficiales | chino antiguo (es) | |||
Xeografía | ||||
Economía | ||||
Moneda | moneda azada (es) y moneda cuchillo (es) | |||
La dómina zhou puede estremase en dos periodos bien estremaos: Los zhou occidentales hasta l'añu 771 e.C. , que gobernaron un estáu fuerte y centralizao dende les capitales de Hào (鎬) y Fēng (豐); y los zhou orientales, ente'l 771 e.C. y el 256 e.C. , que caltuvieron un poder puramente simbólicu o nominal dende la corte de Chéngzhōo (成周, cerca de l'actual Luoyang). Esta segunda etapa, en que la unidá simbólica del reinu coincidía cola esistencia de múltiples estaos de fechu independientes, subdivídese tradicionalmente en dos periodos: el periodu de les Primaveres y les Serondes y el periodu de los Reinos Combatientes.