Edá del cobre
From Wikipedia, the free encyclopedia
La Edá del Cobre, tamién llamada Calcolíticu (gr. χαλκός, jalkós 'cobre'; gr. λίθος, líthos=piedra) o Eneolíticu[1] (lat. aenĕus 'cobre'; gr. λίθος, líthos 'piedra'), ye un periodu de la prehistoria allugáu ente'l Neolíticu (Nueva Edá de la Piedra) y la Edá del Bronce.
El cobre foi un de los primeros metales qu'usó l'home, utilizándolo primeramente nel so estáu natural, el cobre nativu, yá que desconocía los mecanismos polos cualos podía fundise el mineral. Nestos primeros tiempos moldiábase gracies a les téuniques del esmartelláu y/o del batíu en fríu, polo qu'esta fase nun ye considerada inda calcolítica sinón neolítica. El perfeccionamientu de les téuniques cerámiques dexó-y la esperimentación colos procesos metalúrxicos, empezando asina a entendelos. Cuando yá los controlaba empezó a realizar diverses aleaciones con otros minerales, siendo les más habituales l'amiestu con arsénicu, primero, y la posterior con estañu, que dio llugar al bronce.