Enerxía hidráulico
From Wikipedia, the free encyclopedia
Denómase enerxía hidráulica o enerxía hídrica a aquella que se llogra del aprovechamientu de les enerxíes cinética y potencial de la corriente de l'agua, saltos d'agua o marees. Ye un tipu d'enerxía verde cuando'l so impautu ambiental ye mínimu y usa la fuercia hídrico ensin represarla, en casu contrariu ye considerada namái una forma d'enerxía anovable.
Pue tresformase a bien distintes escales, esisten dende va sieglos pequeñes esplotaciones nes que la corriente d'un ríu mueve un rotor de pales y xenera un movimientu aplicáu, por exemplu, en molinos rurales. Sicasí, l'usu más significativu constitúyenlu les centrales hidroeléctriques de represes, magar qu'estes postreres nun son consideraes formes d'enerxía verde pol altu impautu ambiental que producen.
Cuando'l Sol calez la Tierra, arriendes de xenerar corrientes d'aire, fai que l'agua del mar, principalmente, s'evapore y xuba pel aire y muévase escontra les rexones montascoses, pa depués cayer en forma d'agua. Esta agua pue acollechase, y retenese per aciu preses. Parte de l'agua almacenada déxase salir por que se mueva los álabes d'una turbina engranada con un xenerador d'enerxía llétrica.