Espedición Vancouver
From Wikipedia, the free encyclopedia
La espedición Vancouver (1791-1795) foi un viaxe d'esploración y diplomacia entamáu pola Marina Real Británica que foi comandado pol capitán George Vancouver y tomó cinco años. La espedición circunnavegó el mundu, tocó cinco continentes y camudó, probablemente, el cursu de la hestoria de delles naciones. La espedición taba compuesta, según les etapes, ente dos y cuatro buques, y hasta 153 homes, y toos ellos, menos seis, tornaron a salvo a casa.
Dende'l puntu de vista xeopolíticu, la espedición ayudó a esaniciar a España como potencia nel Pacíficu Norte y a definir les fronteres del conflictu anglo-estauxunidense ellí. Tamién ayudó a la unificación del reinu de Ḥawai y estableció amás la dominación británica d'Australia y Nueva Zelanda. La espedición tamién nomó cientos, quiciabes miles, d'accidentes xeográficos y especies botániques y animales y afayáronse dos grupos d'islles nel Pacíficu, les islles Snares y les islles Chatham.