Estáu soberanu
organización política con una alministración central d'un determináu territoriu / From Wikipedia, the free encyclopedia
Un estáu soberanu, según la llexislación internacional, ye una entidá xurídica representada por un gobierno centralizáu que tien soberanía sobre una determinada área xeográfica. Les lleis internacionales definen a los Estaos soberanos por cuatro condiciones fundamentales: tener una población permanente, un territoriu definíu, un gobiernu y la capacidá d'establecer rellaciones con otros Estaos soberanos.[1] Teóricamente tamién se considera qu'un Estáu soberanu nun depende nin ta sometíu a cualesquier otru estáu o poder cimeru.[2]
La esistencia o la desapaición d'un estáu ye una cuestión de fechu.[3] Ente que según la teoría declarativa de los Estaos, un Estáu soberanu puede esistir ensin ser reconocíu por otros Estaos soberanos, los estaos non reconocíos de cutiu atopen grandes dificultaes pa suscribir trataos internacionales n'igualdá de condiciones y p'establecer rellaciones diplomátiques plenes con otros estaos soberanos.