Fátima az-Zahra
From Wikipedia, the free encyclopedia
Fátima az-Zahra (27 de xunetu de 604, La Meca – specified date of Islamic calendar (en) 14 d'avientu de 632, Medina) foi una muyer árabe, fía del profeta musulmán Mahoma (Muhammad) y tresmisora de la socesión consanguínea d'ésti.
Fátima az-Zahra | |
---|---|
Vida | |
Nacimientu | La Meca, 27 de xunetu de 604[1] |
Nacionalidá | Califatu ortodoxu |
Llingua materna | árabe |
Muerte | Medina, 14 d'avientu de 632 (28 años) |
Sepultura | Jannatul Baqi (es) |
Familia | |
Padre | Mahoma |
Madre | Jadiya |
Casada con | Ali Ibn Abi Tálib [2] |
Fíos/es | |
Hermanos/es | |
Estudios | |
Llingües falaes | árabe[5] |
Oficiu | poeta |
Creencies | |
Relixón | islam |
Fátima yera fía del profeta Mahoma y de la so primer esposa, Jadiya. Foi la so cuarta fía, depués de Záynab, Ruqayya, y Ummu Kulzum. A los diez años d'edá (anque otres fontes dicen que foi con diecinueve años d'edá), casóse con Ali ibn Abi Tálib, el cuartu de los califes musulmán y primer Imán de los musulmanes chiites, xenru y primu hermanu de Mahoma, col que tuvo trés fíos varones: Hasan, Husáyn y Múhsin, y dos fíos: Zaynab y Ummu Kulzum. Fátima púnxo-yos el mesmu nome que dos de les sos hermanes finaes por que se partieren los nomes de la Casa Profética.
Pa los musulmanes Fátima ye oxetu d'inspiración y el so nome ye'l más popular nel mundu musulmán.[6]
Ella participó en delles aiciones polítiques bien importantes rexistraes en toles fontes islámiques. De primeres, dempués de la conquista de La Meca, ella negóse a ufiertar la so proteición (como fía de Mahoma) a Abu Sufyan ibn Harb. Según delles fontes reclamó los derechos de propiedá del so padre.
Morrió pocos meses dempués de la muerte de Mahoma y foi soterrada nel campusantu de Jannat al-Baqi. Munchos musulmanes chiítas creen que finó de resultes d'una mancadura causada por Umar, mientres ella defendía al so maríu Ali de los ataques d'Abu Bakr.