FIFA Balón d'Oru
From Wikipedia, the free encyclopedia
El FIFA Balón d'Oru (oficialmente FIFA Ballon d'Or)[1] yera un premiu individual, instauráu'l 5 de xunetu de 2010, que s'otorgaba añalmente al meyor xugador de fútbol del mundu. Esti premiu foi la resultancia de la unificación ente'l Balón d'Oru —apurríu pola revista France Football— y el Xugador Mundial de la FIFA —apurríu pola FIFA—.[2][3][4]
FIFA Balón d'Oru | ||
---|---|---|
Historia | ||
Primer entrega | 2010 | |
Sitiu oficial | ||
[editar datos en Wikidata] |
La primer entrega realizóse'l 10 de xineru de 2011 en Zúrich, Suiza,[5] y la postrera'l 11 de xineru de 2016 na mesma ciudá, sumando asina 6 entregues.[6][7]
La FIFA Balón d'Oru reconocía añalmente al meyor xugador del mundu. Na mesma gala apurríense otres distinciones masculines como'l premiu al meyor entrenador del mundu, el meyor equipu mundial llamáu FIFA/FIFPro World XI, el premiu Ferenc Puskás al meyor gol del añu, la Distinción Presidencial y el Premiu Fair Play. Nos premios femeninos apurríase'l gallardón a la Meyor xugadora y Meyor Entrenadora del mundu.
El postreru vencedor del gallardón foi l'arxentín Lionel Messi, quien el 11 de xineru de 2016 llogró la so cuartu FIFA Balón d'Oru,[6] últimu antes de restaurase de nuevu'l Balón d'Oru.
Na gala de la FIFA (2014) tamién s'apurrió otru balón d'oru honorífico —el Premiu d'Honor de la FIFA Ballon d'Or— al ex-futbolista brasilanu Pelé, pola so contribución al fútbol y al mundu.[8]