Fabada
From Wikipedia, the free encyclopedia
Fabada asturiana, llamada fabada, ye un pote fechu con fabes. Un platu tradicional asturianu.
Fabada | ||
---|---|---|
Nome | Fabada | |
Procedencia | España | |
Procedencia | España | |
Detalles | ||
Ingredientes | Faba asturiana, Chorizu, morciella d'Asturies y Compangu | |
Más información | ||
[editar datos en Wikidata] |
Lo esencial pa una bona fabada ye utilizar unos bonos ingredientes, bones fabas de la granxa, chorizu, morciella, llacón, tocín o panceta y según la zona yá incorporen ingredientes singulares de cada zona d'Asturies. El restu ye da-y tiempu, que se faiga a fueu lentu de too ello va ser la excelencia en la calidad del platu mas conocíu de la cocina tradicional Asturiana.[1][2]
La fabada faise con fabes seques que déxense a remueyu unes dolce hores, pa llueu cocinase a fueu lentu xunta'l compangu, llacón, tocín, morciella y chorizu. Algunes persones tamién-y ponen un plizcu de pimentón o azafrán. Ponse a fueu lentu dos o tres hores. Tamién almite otros embutíos llocales como'l sabadiegu de Noreña o n'ocasiones rau de vaca o costiella.
De xemes en cuando, pa removeles, "asústense" moviendo delles veces la pota de llau a llau y echando un migayu d'agua frío. Esti tamién ye bon momentu pa dir retirando la espuma que xurde na coción.
El compangu suel sacase una vegada fecha la fabada a un recipiente a parte y nel platu fabes cada persona sírvese'l compangu al gustu.
La fabada esta meyor comida d'un día pa otru, asina se puede tamién quitar l'escesu de grasa que s'esprendió del compangu.
De normal preséntense fabas y compangu nuna fonte, pero dalgunos restoranes presenten el compangu en platu estreme dixebráu de les fabas.