cover image

Caltríase por ferrocarril, nel sentíu enancháu del términu, el sistema de tresporte tarrestre guiáu sobro carriles de cualisquier mena, anque normalmente s'entiende que los carriles son d'aceru (ferro del llatín ferrum), que faen el camín o vía férrea sobro la cuala circulen los trenes. Dientro d'esta esbilla inclúinse medios de tresporte qu'empleguen otres menes de guiáu, tales como los trenes de llevitación magnética.

Quick facts: Ferrocarril...
Ferrocarril
transporte guiado (es)
Close
Tren modernu en Birmingham.

El so desendolque prodúxose na primer metá'l sieglu XIX como parte de la Revolución industrial, faciendo usu de la ventaxa téunica que supón el baxu coeficiente de rodadura metal sobro metal del orde de 3 por 1000 y perinferior al coeficiente de rodadura sobro carretera causando una tresformación dafechu de la sociedá al permitir el tresporte de persones ya mercaderíes a un baxu costu y en forma regular y segura.

Per otru llau, trátase d'un mou de tresporte con ventaxes comparatives en ciertos aspeutos, talos como'l consumu de combustible por tonelada quilómetru tresportada, la entidá del impautu ambiental que causa o la posibilidá de realizar tresportes masivos, que faen relevante'l so usu nel mundu modernu.

Oops something went wrong: