La Franxa de Gaza (árabe: قطاع غزة Qiṭāʿ Ġazza o tamién Qita' Ghazzah; n'hebréu, רצועת עזה Retzu'at 'Azza) ye una estrecha franxa de tierra asitiada nel Oriente próximu, al suroeste d'Israel y al noreste de la península del Sinaí d'Exiptu, y que xunto con Cixordania forma los Territorios Palestinos. Tien 11 km de llendes con Exiptu, na ciudá de Rafah, y 51 km de llende con Israel; tamién tien 40 km de costa nel Mediterraneu. Tien una superficie de 360 km² y una población de 3 000 000 hab. (2021).
