Fringe
From Wikipedia, the free encyclopedia
Fringe ye una serie de ciencia ficción d'Estaos Xuníos creada por J. J. Abrams, Alex Kurtzman y Roberto Orci. Estrenóse al traviés de Fox Broadcasting Company el 9 de setiembre de 2008 y terminó'l 18 de xineru de 2013 dempués de cien episodios arrexuntaos en cinco temporaes. La serie sigue a Olivia Dunham (Anna Torv), Peter Bishop (Joshua Jackson) y Walter Bishop (John Noble), quien son miembros de la División Fringe de la Oficina Federal d'Investigación que la so base atópase en Boston, Estaos Xuníos, so órdenes del Departamentu de Seguridá Nacional. L'equipu utiliza métodos de la ciencia fringe p'ayudar al FBI a investigar diversos casos inesplicables, de cutiu horribles, que tán rellacionaos con un misteriosu universu paralelu. La serie foi considerada como un amiestu ente The X-Files, Altered States y The Twilight Zone.
Fringe | |
---|---|
Datos | |
Títulu orixinal | Fringe |
Xéneru | ciencia ficción, serie de televisión dramática, serie de televisión policiaca y serie de televisión de terror (es) |
País d'orixe | Estaos Xuníos |
Idioma orixinal | inglés |
Direición | J. J. Abrams |
Compositor | Michael Giacchino |
Númberu de temporaes | 5 |
Llista de temporaes |
ver
|
Númberu d'episodios | 100 |
Llista d'episodios | Anexo:Episodios de Fringe (es) |
Repartu |
ver
|
Personaxes | |
Llista de personaxes | list of Fringe characters (en) |
Primer emisión | 9 de setiembre de 2008 |
Última emisión | 18 de xineru de 2013 |
Emisora orixinal | FOX |
Productora | Warner Bros. Television y Bad Robot Productions |
Distribuidora | Warner Bros. Television |
Web oficial | |
Fringe combina'l formatu de casos de la selmana con una historia relevante de fonderada. Empezó colos tradicionales «misterios de la selmana» y adulces formó la so propia mitoloxía onde dexó tras aquellos episodios en posteriores temporaes. La mayoría de los episodios contienen una trama independiente a la xeneral pero tamién dellos episodios esploraron la mitoloxía xeneral de la serie.
La receición de la crítica mientres la primer temporada foi tibia, pero cola meyora de les temporaes fíxose más favorable por cuenta de qu'empezóse a esplorar la so mitoloxía, como l'universu paralelu y la llinia de tiempu alternativa. La serie, según el repartu, foi nomada pa dellos premios importantes. A pesar del so treslláu a «la maldición del vienres pela nueche» y los baxos niveles d'audiencies, tien siguidores de cultu. La serie tamién dio pasu a dos series de comic book de seis partes y un xuegu de realidá alternativa.