Fuercies Armaes d'Ucraína
From Wikipedia, the free encyclopedia
Les Fuercies Armaes d'Ucraína (ucraín: Збройні сили України (ЗСУ) Zbroyni syly Ukrayiny, (ZSU)) son les fuercies militares d'Ucraína.
Fuercies Armaes d'Ucraína Збройні сили України | |
---|---|
Fundada | 1917 (recuperada: 6 d'avientu de 1991)[1] |
Estructura actual | Fuercies de Tierra |
Disponible pa serviciu militar |
11.149.646, edad 15–49 (2008 est.[2]) |
Gastos | |
% PIB | 5% |
Ucraína proclamó que la política nacional del país ye la integración Euru-Atlántica, cola Xunión Europea. Ucraína ye un sociu reforzáu de la OTAN y participó viviegamente nos exercicios militares de l'Asociación pa la Paz y nes fuercies pal caltenimientu de la paz nos Balcanes. Esta estrecha rellación cola OTAN foi más visible na cooperación ucraniana y nes operaciones combinaes de caltenimientu de la paz col so país vecín, Polonia, en Kosovo. Soldaos ucraínos tamién sirvieron so comandu de la OTAN n'Iraq, Afganistán y na Operación Active Endeavour.[3] L'ex-presidente ucraín Víktor Yanukóvich considera l'actual nivel de cooperación ente Ucraína y la OTAN abonda.[4] El so predecesor Víktor Yushchenko pidió la incorporación ucraniana a la Organización Atlántica a principios de 2008.[5][6] Mientres la Cume de Bucuresti de 2008 la OTAN proclamó qu'Ucraína se convertiría en miembru de la OTAN, cuando esta quixera y cuando cumpliera colos requisitos d'accesu.[4] El Presidente d'Ucraína Yanukovich optó pola non alliniación d'Ucraína como Estáu. Esto materializó'l 3 de xunu de 2010 cuando'l Parllamentu ucraín escluyó, con 226 votos, l'oxetivu de la "integración nel marcu de seguridad Euro-Atlántica y l'asociación la OTAN" de la estratexa nacional de seguridá.[7]
L'actual Xefe del Estáu Mayor de les Fuercies Armaes d'Ucraína ye'l Teniente Xeneral Volodymyr Zamana. Esta remplazó al Coronel Xeneral Hryhorii Pedchenko en febreru de 2012 dempués d'un decretu promulgáu pol Presidente Yanukovich. Unidaes militares d'otros países participen regularmente n'exercicios militares multinacionales coles fuercies ucraínes.[8] Munchos d'estos exercicios son realizaos sol programa de cooperación de la OTAN y l'Asociación pa la Paz.