Función compuesta
From Wikipedia, the free encyclopedia
En álxebra astracta, una función compuesta ye una función formada pola composición o aplicación socesiva d'otros dos funciones. Pa ello, aplícase sobre l'argumentu la función más próxima al mesmu, y al resultáu del cálculu anterior aplícase-y finalmente la función restante.
Usando la notación matemática, la función compuesta g ∘ f: X → Z espresa que (g ∘ f)(x) = g[f(x)] pa tou x perteneciente a X.
A g ∘ f llámase-y composición de f y g, o f compuesta con g. Nótese que se noma nun siguiendo l'orde d'escritura, sinón l'orde en que s'apliquen les funciones al so argumentu.