Gonzalo Díaz de Pineda
esplorador y conquistador asturianu del sieglu XVI / From Wikipedia, the free encyclopedia
Gonzalo Díaz de Pineda (sieglu de XVI, L'Infiestu – 1545, Perú) foi un militar español que participó na conquista de les actuales Perú y Ecuador. Xunto con Francisco Pizarro prindó al inca Atahualpa, en 1532; y al añu siguiente partió con Sebastián de Belalcázar escontra la conquista del Reinu de Quitu, onde escorrió al postreru xeneral inca, llamáu Rumiñahui.
Gonzalo Díaz de Pineda | |
---|---|
Vida | |
Nacimientu | L'Infiestu[1], sieglu de XVI[1] |
Nacionalidá | España |
Muerte | Perú, 1545[1] |
Estudios | |
Llingües falaes | castellanu |
Oficiu | Alcalde Metropolitano de Quito (es) |
Foi teniente de gobernador y capitán xeneral del Gobiernu de Quitu en 1538, amás d'Alcalde de primer votu d'esa ciudá en 1541.[2] Tamién participó de delles espediciones fallíes en busca del País de la Canela y El Dorado.
Gonzalo Díaz de Pineda taba casáu con una fía de Pedro de Puelles y tomó parte activa na Batalla de Iñaquito contra'l Virréi Blasco Núñez Vela, engarrando so la bandera de Gonzalo Pizarro que s'oponía a les Lleis Nueves. Nun sorpresivu ataque poles tropes del virréi cerca de Motupe (norte de Perú), viose obligáu a fuxir al monte cercanu de algarrobos. Unos díes dempués finó al inxerir unes plantes venenoses.