La Guerra de los Diez Años, Guerra del 68 o Guerra Grande (1868-1878), tamién conocida n'España como Guerra de Cuba, foi la primera de los trés guerres cubanas d'independencia contra les fuercies coloniales españoles. La guerra empezó col Berru de Yara, na nueche del 9 al 10 d'ochobre de 1868, na finca La Demajagua, en Manzanillo, que pertenecía a Carlos Manuel de Céspedes.
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables.
Terminó diez años más tarde cola Paz de Zanjón o Pactu de Zanjón, onde s'establez la capitulación del Exércitu Independentista Cubanu frente a les tropes españoles. Esti alcuerdu nun garantizaba nengún de los dos oxetivos fundamentales de dicha guerra: la independencia de Cuba y l'abolición de la esclavitú. Por dicha razón, grupos esvalixaos de patriotes cubanos siguieron lluchando mientres la mayor parte del añu 1878 ya intentaríen reiniciar la llucha mientres la llamada Guerra Chiquita (1879-1880).