Guerra Fría
From Wikipedia, the free encyclopedia
La Guerra Fría foi un enfrentamientu políticu, económicu, social, militar, informativu, científicu y deportivu empecipiáu al rematar la Segunda Guerra Mundial ente'l llamáu bloque Occidental (occidental-capitalista) lideráu por Estaos Xuníos, y el bloque del Este (oriental-comunista) lideráu pola Xunión Soviética.
Guerra Fría | ||
---|---|---|
Fecha | 1945 → 25 avientu 1991 | |
Llugar | América Llatina, Asia, África y Europa | |
[editar datos en Wikidata] |
El so orixe suel asitiase en 1945, mientres les tensiones de la posguerra, y enllargóse hasta la disolución pito de la Xunión Soviética (entamu de la Perestroika en 1985, Accidente nuclear de Chernóbil en 1986, cayida del muriu de Berlín en 1989 y golpe d'Estáu fallíu na URSS de 1991). Nengún de los dos bloques tomó nunca aiciones direutes contra l'otru, razón pola que se denominó al conflictu «guerra fría».[ensin referencies]
Les razones d'esti enfrentamientu fueron esencialmente ideolóxiques y polítiques. Eventualmente la Xunión Soviética financió y sofitó revoluciones y gobiernos socialistes, ente qu'Estaos Xuníos dio abiertu sofitu y arrobinó desestabilizaciones y golpes d'Estáu, sobremanera n'América Llatina, en dambos casos los derechos humanos viéronse seriamente violaos.
Magar estos enfrentamientos nun llegaron a desencadenar una guerra mundial, la entidá y la gravedá de los conflictos económicos, políticos ya ideolóxicos, que se comprometieron, marcaron significativamente gran parte de la historia de la segunda metá del sieglu XX. Los dos superpotencies verdaderamente deseyaben enllantar el so modelu de gobiernu en tol planeta.
Dalgunes guerres subsidiarias d'esta dómina fueron: la Guerra Civil Griega, la Guerra de Corea, la Guerra de Vietnam, la Primer Guerra d'Afganistán, la Guerra Civil d'El Líbanu, la Guerra d'Angola, la Guerra Indo-Paquistanina, la Guerra del Golfu.