Henán
From Wikipedia, the free encyclopedia
Henán (lléase Jo-Nán; chinu: 河南, pinyin: Hénán, trescripción antigua: Honan, lliteralmente «Sur del Ríu», en referencia al ríu Mariellu) ye una de les ventidós provincies que, xunto coles cinco rexones autónomes, cuatro conceyos y dos rexones alministratives especiales, conformen la República Popular China. La so capital y ciudá más poblada ye Zhengzhou.
Henán | |
---|---|
Alministración | |
País | República Popular China |
ISO 3166-2 | CN-HA |
Tipu d'entidá | provincies de China |
Capital | Zhengzhou y Kaifeng |
Cabezaleru/a del gobiernu | Wang Kai |
Nome oficial | 河南省 (zh-cn) |
División | |
Xeografía | |
Coordenaes | 33°54′N 113°30′E |
Superficie | 167000 km² |
Llenda con | Shandong, Hebei, Shanxi, Shaanxi, Hubei y Anhui |
Puntu más altu | Laoyachan'ao (es) |
Demografía | |
Población | 99 365 519 hab. (2020) |
Densidá | 595 hab/km² |
Más información | |
Estaya horaria | UTC+08:00 |
Fundación | 1949 |
henan.gov.cn | |
Ta allugada na rexón China del Sur Central llindando al norte con Shanxi y Hebei, al nordeste con Shandong, al este con Anhui, al sur con Hubei y al oeste con Shaanxi. Con casi cien millones d'habitantes, ye la provincia china con mayor población.
Embrívese Yù (豫), pola Prefeutura de Yu (豫州 Yù Zhōo) de tiempos de la dinastía Han, qu'incluyía parte de l'actual provincia.
Con frecuencia ye denomada Zhongyuan (中原 zhōngyuán) o Zhongzhou (中州 zhōngzhōo), lliteralmente Llanura Central, nome tamién aplicáu polo xeneral a tola Gran Llanura del Norte de China. Henan suel ser considerada como'l trubiecu de la civilización china.