Historia d'América
From Wikipedia, the free encyclopedia
La Historia d'América ye la historia coleutiva de los pueblos del continente americanu, incluyíes les Antilles y demás islles próximes. Los acontecimientos históricos notables asoceden nel continente con muncha antelación al usu de la escritura, especialmente a partir del surdimientu de la civilización Caral escontra'l 2600 e.C. y de la cultura olmeca escontra'l 1500 e.C. mientres el Periodu Formativu hasta'l presente.
La Historia d'América según los arqueólogos Gordon Willey y Philip Phillips, estrémase nos siguientes periodos: Paleoamericanu, el Periodu Arcaicu, el Periodu Formativu, el Periodu Clásicu (entiende la rellumanza de les civilizaciones americanes 292–900), el [[Periodu Posclásicu d'América|Periodu Posclásicu] (entiende lo que se denoma l'América precolombina 900–1527), l'alcuentru cultural d'América con Europa no que se denoma la Conquista d'América (1492–1527), el dominiu d'Europa sobre'l continente no que se denoma les colonies americanes d'Europa (sieglu XVI–sieglu XIX), el periodu d'independencia de les colonies (sieglu XVIII a sieglu XIX) y l'afitamientu de les nacientes repúbliques americanes ente'l sieglu XIX y l'actualidá.