Historia de la música
From Wikipedia, the free encyclopedia
La historia de la música ye l'estudiu de les distintes tradiciones na música y el so orde nel mundu.
Puesto que toa cultura conocida tuvo dalguna forma de manifestación musical, la historia de la música abarca a toles sociedaes y dómines. Nun se llinda —como ye habitual en dellos ámbitos académicos— a occidente, onde de cutiu s'utiliza la espresión «historia de la música» pa referise puramente a la historia de la música europea y la so evolución nel mundu occidental.
La música d'una determinada sociedá ta estrechamente rellacionada con otros aspeutos de la so cultura, como la so organización económica, el so desenvolvimientu teunolóxicu, tradiciones, creencies relixoses, etcétera.
Nel so sentíu más ampliu, la música naz col ser humanu, y yá taba presente, según dellos estudios, muncho primero de la migración de los primeros grupos que dexaron África, hai más de 50 000 años.[1] Ye por tanto una manifestación cultural universal.