Amáricu
From Wikipedia, the free encyclopedia
L'amáricu o amháricu (አማርኛ, amarəñña) baxa de la estinguida llingua antigua, ge'ez, una llingua semítica sudoccidental. Ye faláu nel norte y el centru d'Etiopía, onde ye llingua nacional oficial. Toma'l so nome de la etnia de los amhara, tradicionalmente habitantes del norte y centru d'Etiopía. Non yá los amhara, sinón tola población etíope escolarizada apodera esti idioma.
Amháricu አማርኛ / amarəñña | |
---|---|
Faláu en | Etiopía Eritrea Exiptu Israel<br |
Rexón | Cuernu d'África |
Falantes | 21 millones |
Puestu | 55ᵘ (Ethnologue 1996) |
Familia | Afro-asiáticu Semíticu |
Estatus oficial | |
Oficial en | Etiopía |
Reguláu por | Nun ta reguláu |
Códigos | |
ISO 639-1 | am |
ISO 639-2 | amh |
ISO 639-3 | amh |
Fora d'Etiopía, el amháricu ye la llingua de 2,7 millones d'emigrantes, que viven n'Exiptu, Israel y Suecia. Tamién ye falada n'Eritrea polos deportaos eritreos procedentes d'Etiopía y bien conocida polos eritreos nacíos antes de mediaos de la década de 1980, yá que foi la llingua d'enseñanza nes escueles eritrees hasta 1991.
Ye la segunda llingua semítica tocantes a númberu de falantes, por detrás del árabe y per delantre de llingües como'l tigriña y l'hebréu.
Escríbese usando un silabariu llamáu "fidel" o "abugida", afechu del que s'usó pa escribir la estinguida llingua ge'ez.