Idioma protoxermánicu
From Wikipedia, the free encyclopedia
El protoxermánicu (o xermánicu común) ye l'ancestru común hipotéticu (protollingua) de toles llingües xermániques, qu'inclúin ente otres, l'inglés modernu, l'holandés y l'alemán. La llingua protogermánica nun ye direutamente confirmada por nengún testu pero foi reconstruyida per mediu de métodos comparativos. Namái s'atoparon unes poques inscripciones rúniques en Escandinavia dataes de ca. 200 e. C. que se piensen que representen una etapa del protonórdico darréu posterior al protoxermánicu. Delles pallabres tomaes emprestaes del xermánicu tempranu qu'esistíen en llingües non xermániques vecines créese que fueron tomaes del protoxermánicu; un exemplu ye en finés y estoniu la pallabra kuningas "rei", que ye similar a la pallabra reconstruyida del protoxermánicu *kuningaz.
Protoxermánicu | |||
---|---|---|---|
Faláu en | Europa del Norte | ||
Falantes | Llingua muerta dende ca. sieglu II e. C. | ||
Familia | Indoeuropéu Xermánicu | ||
Estatus oficial | |||
Oficial en | Nengún país | ||
Reguláu por | Nun ta reguláu | ||
Códigos | |||
ISO 639-1 | nengún | ||
ISO 639-2 | gem | ||
ISO 639-3 | |||
Mapa de la Edá del Fierro prerromana asociada col protoxermánicu, ca. 500 e. C.—50 e. C..
|
El protoxermánicu ye una llingua descendiente del protoindoeuropéu. Tenía solamente dos tiempos verbales (pasáu y presente), en comparanza colos seis o siete tiempos del griegu, llatín y sánscritu. Parte d'esta diferencia ye debida a la deflexión carauterizada pola perda de tiempos del presente nel protoindoeuropéu, por casu el pretéritu perfectu. Sicasí, munchos de los tiempos verbales d'otres llingües paecen ser innovaciones separaes en caúna d'elles.