Indostánicu
From Wikipedia, the free encyclopedia
L'indostánicu[1] (हिन्दुस्तानी, ہندوستانی), tamién conocíu como "hindī-urdū", ye'l conxuntu d'idiomes de la caña indoirania de la familia indoeuropea, bien rellacionaos ente sigo, y que se falen nes rexones norte, central y noroeste del subcontinente indiu. Toma dos rexistros estandarizados, l'hindi y l'urdú, idiomes oficiales de la India y Paquistán, respeutivamente. Ye un idioma faláu por más de 474 millones de persones nel subcontinente índicu (principalmente al norte de la India, 310 millones, y Paquistán, 104 millones) y na diáspora etno-cultural d'estos pueblos. Ye'l cuartu idioma nativu más faláu del mundu[2] y terceru como segunda llingua. Fálase n'India, Paquistán, Fixi, Guyana, Malasia y Surinam.
- Pa otros usos d'ésti términu ver Indostán
Indostánicu हिन्दुस्तानी / ہندوستانی / Hindustānī | |
---|---|
Faláu en | India Paquistán |
Rexón | Subcontinente indiu (en Fixi tien l'estatus de llingua oficial) |
Falantes | 490 millones (aprox.) (2006) |
Puestu | 2ª llingua más falada (hindi + urdú) (Ethnologue 1996) |
Familia | Indoeuropéu Indo-iraniu |
Estatus oficial | |
Oficial en | Fixi |
Reguláu por | Nun ta reguláu |
Códigos | |
ISO 639-1 | hi, ur |
ISO 639-2 | hin, urd |
ISO 639-3 | |
Estensión del indostánicu |
Esti términu tien una historia complexa y tien connotaciones diverses pa persones distintes. Nel cine indiu ("Bollywood"), suélse-y llamar indostánicu a la llingua neutral que se fala nes películes, anque en realidá se basa nel estándar hindi pa tolos habitantes de la India.