Invasión
strategy, as infantry commanders relayed defensive positions to tanks and bombers. / From Wikipedia, the free encyclopedia
Una invasión[1] ye una aición militar que consiste na entrada de les fuercies armaes d'una entidá xeopolítica nel territoriu controláu por otra entidá asemeyada, de normal coles mires de conquistar el territoriu o camudar el gobiernu establecíu. Una invasión puede ser la causa d'una guerra, puede usase como parte d'una estratexa mayor pa terminar una guerra o puede constituyir una guerra completa en sí mesma.
El términu suel connotar un esfuerciu estratéxicu de considerable magnitú. Una y bones los oxetivos d'una invasión suelen ser a gran escala y al llargu plazu, precísense munches fuercies pa caltener un territoriu y protexer los intereses de la entidá invasora. Polo xeneral, les infiltraciones táctiques más pequeñes nun se consideren invasiones y de normal clasifíquense como escaramuces, salíes, asesinatos selectivos o reconocencies ofensives. Por definición, una invasión ye un ataque lleváu a cabu por fuercies esternes. Poro, les rebeliones, guerres civiles, golpes d'Estáu, democidios o otros actos d'opresión nun se consideren invasiones.