política española From Wikipedia, the free encyclopedia
Isabel Natividad Díaz Ayuso (17 d'ochobre de 1978, Madrid) ye una política del Partíu Popular (PP), presidenta de la Comunidá de Madrid[4], vicesecretaria de comunicación y vocera del Partíu Popular de la Comunidá de Madrid.[5]
Ñació'l 17 d'ochobre de 1978 en Madrid nel senu d'una familia residente nel barriu de Chamberí; los sos pás tán dedicaos al comerciu d'artículos médicos y ortopédicos.[6] Llicenciada en Periodismu pola Universidá Complutense de Madrid (UCM),[7] ye doctorada nel mesmu centru.[6] Afiliada al Partíu Popular (PP) en 2005, cuando Pablo Casado yera'l presidente de les Nueves Xeneraciones en Madrid,[8] en 2006 foi fichada por Alfredo Prada, conseyeru de Xusticia ya Interior del Gobiernu la Comunidá de Madrid, pal so departamentu de prensa, ganándose l'enfotu d'Esperanza Aguirre.[9]
Especializada en comunicación política, dirixó l'área online del PP, encargándose de la campaña dixital de Cristina Cifuentes en 2015.[10]
Candidata de la llista del PP pa les eleiciones a l'Asamblea de Madrid de 2011, nun foi escoyida entós diputada. Entró na IX llexislatura del parllamentu rexonal el 15 de xunetu cubriendo la vacante por arrenunciu d'Engracia Hidalgo.[11] Anovó la so acta de diputada nes eleiciones de 2015. Mientres la x llexislatura exerció de vocera axunta del so grupu, posición qu'abandonó xunto cola so condición de diputada por cuenta del so nomamientu como viceconseyera de Presidencia y Xusticia del gobiernu rexonal.[12]
El 11 de xineru de 2019 conocióse la decisión del presidente del PP, Pablo Casado, de designala cabeza de llista del so partíu de cara a les eleiciones a l'Asamblea de Madrid de 2019, postulándose asina como candidata a la presidencia de la Comunidá de Madrid.[13][14]
Nes eleiciones del 26 de mayu de 2019, la llista del PP llogró un 22,23% de votos válidos y 30 escaños, la segunda llista más votada dempués de la del PSOE, llista más votada con un 27,31% de votos válidos y 37 escaños.[15]
Propuesta como candidata a la presidencia de la Comunidá de Madrid pol presidente de l'Asamblea de Madrid Juan Trinidad, que torgara enantes una sesión d'investidura d'Ángel Gabilondo programando una sesión d'investidura ensin candidatu en xunetu de 2019,[16] Díaz Ayuso foi investida como presidenta del gobiernu rexonal el 14 d'agostu, con 68 votos a favor (correspondientes a los diputaos de los grupos parllamentarios Popular, de Ciudadanos y Vox en Madrid) y 64 en contra (correspondientes a los diputaos de los Grupos Parllamentarios Socialista, Más Madrid y Xuníes Podemos-Izquierda Xunida-Madrid en pie)
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.