Islles Lyakhovsky
From Wikipedia, the free encyclopedia
Les Islles Lyakhovsky o islles de Liajov (rusu: Ляховские острова Lyakhovskiye ostrova) son el grupu más meridional del archipiélagu de les islles de Nueva Siberia, alcontráu frente a la mariña ártica de Siberia oriental, en Rusia.
| Islles Lyakhovsky | |
|---|---|
| Ляхов арыылара (sah) | |
 | |
| Situación | |
 | |
| País |  Rusia |
| República | República de Sajá |
| Tipu | grupu d'islles |
| Parte de | Islles de Nueva Siberia |
| Asitiáu en | Mar de Láptev |
| Coordenaes | 74°39′36″N 141°59′14″E |
  Islles Lyakhovsky Islles Lyakhovsky (Rusia) | |
| Datos | |
| Altitú media | 311 m |
| Superficie | 6100 km² |
| Población | 0 |
 | |
Alministrativamente, les islles pertenecen a la República de Saja.
Les islles tán na llende ente les agües del mar de Laptev, pel oeste, y les del Mar de Siberia Oriental, pel este. El grupu d'islles ta separáu del continente pol estrechu de Laptev, de 60 km d'anchor, y de les Isles Anzhu pol estrechu de Sannikov, de 50 km. El grupu ta formáu por dos islles principales:
- La Gran Liajovski (Большой Ляховский), de 4.600 km², con una altitú máxima de 270 metros en Emy Tas;
- La Pequeña Liajovski (Малый Ляховский), de 1.325 km².
Otres islles del grupu son la islla Stolbovoi y la islla Semionovski.
En 1710, mientres saleaba del ríu Lena al ríu Kolyma, Yakov Permyakov reparó la figura de dos grupos d'islles desconocíos nel mar. Eses islles yeren, como se llamaren más tarde, islla Gran Liajovski y les islles Medvyezhi.
En 1712, Permyakov y el so compañeru Merkury Vagin cruciaron sobro'l xelu la badea del Yana, partiendo dende la boca del ríu Yana hasta la islla Gran Liajovski y esploraron la entós desconocida islla.
Permyakov y Vagin fueron asesinaos nel camín de regresu de la so esploración polos miembros remontaos de la espedición. Los cosacos tomaron el cadabre de Permyakov y prendiéron-y fueu. Nun se sabe que fixeron los rebeldes coles cenices, pero los restos de Permyakov nunca fueron atopaos.
El grupu d'islles foi llamada asina n'honor del mercader y esplorador rusu Iván Liajov, que les esploró y describió en delles campañes realizaes ente 1770 y 1775.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
