José Manuel Fuente
ciclista asturianu (1945–1996) / From Wikipedia, the free encyclopedia
José Manuel Fuente (30 de setiembre de 1945, Siero – 18 de xunetu de 1996, Uviéu) conocíu como El Tarangu, foi un ciclista profesional asturianu bien popular nos años setenta del sieglu XX.
José Manuel Fuente | |||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|
Vida | |||||||||||||||||||||
Nacimientu | Siero, 30 de setiembre de 1945[1] | ||||||||||||||||||||
Nacionalidá | España [2] | ||||||||||||||||||||
Muerte | Uviéu, 18 de xunetu de 1996[1] (50 años) | ||||||||||||||||||||
Causa de la muerte | pancreatitis (es) | ||||||||||||||||||||
Estudios | |||||||||||||||||||||
Llingües falaes | castellanu | ||||||||||||||||||||
Oficiu | |||||||||||||||||||||
Oficiu | ciclista | ||||||||||||||||||||
| |||||||||||||||||||||
Participante
| |||||||||||||||||||||
Formó parte d'una xeneración de ciclistes asturianos qu'algamó grandes trunfos: Vicente López Carril, Luis Balagué, Antonio Menéndez y José Casas.
El Tarangu entamó la so carrera profesional nel equipu Karpy, pero los sos grandes trunfos vendríen de la mano del Kas, col que protagonizaría delles de les etapes más mítiques y épiques de la historia del ciclismu xunto a los sos grandes rivales del momentu: el belxicanu Eddy Merckx y el español Luis Ocaña. Esta rivalidá, y les mocionantes etapes que deparaben llevólu a ser bien popular tamién n'Italia, país nel que consiguió grandes trunfos nes etapes de monte del Giro, especialmente nel de 1974, nel que consiguió vencer en cuatro etapes. Tamién el Tour de Francia foi testigu de los sos ataques en monte ganando dos etapes seguíes nel añu 1971.
El so tarrén preferíu yeren los grandes cumales de monte, onde atacaba d'una manera irreflesiva una y otra vez hasta dinamitar la carrera. Les sos famoses páxares impidiéron-y algamar mayores trunfos
La so última etapa como ciclista vivióla col equipu italianu Bianchi, aunque los problemes de salú que sufría lleváronlu a una retirada prematura.
Tres d'esta retirada, el que fuera direutor suyu nel equipu Kas, Antón Barrutia, dixó d'él que “se diba l'últimu dinamiteru del monte”.