Juan Antonio Ríos
From Wikipedia, the free encyclopedia
Juan Antonio Ríos Morales (10 de payares de 1888, Cañete – 27 de xunu de 1946, Santiagu) foi un políticu chilenu, que desempeñó los cargos de rexidor, cónsul, diputáu, senador, ministru d'Estáu y presidente de la República.
Juan Antonio Ríos | |||||||||||
---|---|---|---|---|---|---|---|---|---|---|---|
2 abril 1942 - 27 xunu 1946 ← Pedro Aguirre Cerda - Gabriel González Videla →
14 setiembre 1932 - 3 ochobre 1932 - Absalón Valencia Zavala →
17 xunu 1932 - 13 xunetu 1932
| |||||||||||
Vida | |||||||||||
Nacimientu | Cañete, 10 de payares de 1888[1] | ||||||||||
Nacionalidá | Chile | ||||||||||
Muerte | Santiagu, 27 de xunu de 1946 (57 años) | ||||||||||
Sepultura | Cementerio General de Santiago (es) | ||||||||||
Causa de la muerte | cáncanu[2] | ||||||||||
Familia | |||||||||||
Casáu con | Marta Ide Pereira (1921 – ) | ||||||||||
Fíos/es | Juan Guillermo Ríos Ide | ||||||||||
Estudios | |||||||||||
Estudios |
Facultad de Ciencias Jurídicas y Sociales de la Universidad de Concepción (es) Universidá de Chile | ||||||||||
Llingües falaes | castellanu | ||||||||||
Oficiu | abogáu, políticu, diplomáticu | ||||||||||
Llugares de trabayu | Santiagu | ||||||||||
Creencies | |||||||||||
Relixón | catolicismu | ||||||||||
Partíu políticu | Partíu Radical | ||||||||||
Militante del Partíu Radical, foi escoyíu presidente en 1942 tres la inesperada muerte de Pedro Aguirre Cerda. Mientres el so mandatu, Ríos tuvo d'enfrentar los años más álgidos de la Segunda Guerra Mundial, lo que condució a la rotura de les rellaciones ente Chile y los países de la Exa en 1943, y la declaración de guerra a Xapón en 1945.
Siguió'l procesu de industrialización empecipiáu pol so antecesor, destacando mientres el so mandatu la creación la Compañía d'Aceru del Pacíficu, la Empresa Nacional d'Eletricidá y el descubrimientu de petroleu en Magallanes.
Intentó establecer un gobiernu d'unidá nacional, integrando los sos diversos gabinetes con militantes de partíos d'esquierda y derecha. Sicasí, tuvo d'enfrentase a una fiera oposición de los partíos políticos, especialmente del Partíu Radical, en que militaba, quien criticaben el so fuerte personalismu, que-y valió'l llamátigu de "Don Mandantonio".[3]
Fináu nel exerciciu del so cargu, la so muerte marcó l'entamu de la polarización na política chilena faciéndose cada vez más estrechos los resultaos nes eleiciones presidenciales d'equí p'arriba; el so relativamente estable popularidá se contrapuso al cayente del so partíu. Nel so honor esiste una popular población na comuña d'Independencia y unu de los llagos más grandes del país, el llagu Presidente Ríos, amás de numberoses cais y un monumentu na Plaza d'Armes de la so ciudá natal.