La Pola (Ḷḷena) - Wikiwand
For faster navigation, this Iframe is preloading the Wikiwand page for La Pola (Ḷḷena).

La Pola (Ḷḷena)

De Wikipedia

Blue globe icon.svgLa Pola
Alministración
PaísFlag of Spain.svg España
AutonomíaFlag of Asturias.svg Principáu d'Asturies
Provincia provincia d'Asturies
ConceyuBandera de Lena.svg Ḷḷena
Partíu xudicial Ḷḷena
Tipu d'entidá parroquia d'Asturies
Nome oficial La Pola (ast)
Códigu postal 33630, 33638 y 33639
Xeografía
Coordenaes 43°09′33″N 5°49′46″O / 43.15903°N 5.82958°O / 43.15903; -5.82958Coordenaes: 43°09′33″N 5°49′46″O / 43.15903°N 5.82958°O / 43.15903; -5.82958
La Pola (Ḷḷena)
La Pola (Ḷḷena)
La Pola (Ḷḷena) (Asturies)
Superficie 31.04 km²
Demografía
Población 7938 hab. (2018)
Porcentaxe 0.02%
0.77%
100%
74.18% d'España
Principáu d'Asturies
provincia d'Asturies
Ḷḷena
Densidá 255,73 hab/km²
Viviendes 4262 (2001)
Más información
Estaya horaria UTC+01:00
Cambiar los datos en Wikidata

La Pola[1] ye una villa y parroquia más grande del conceyu asturianu de Ḷḷena. (Asturies). La so población ye de 9.026 habitantes, colo que ye duodécima por númberu d'habitantes d'Asturies y la segunda de la cuenca del Caudal tres Mieres del Camín.

La villa foi fundada en 1266 por Alfonsu X'l Sabiu, como llugar de pasu ente Uviéu y Lleón, y conserva, gracies a les sos bones comunicaciones con otros nucleos de población asturianos, un claro calter de ciudá residencial.

Toponimia

El nome de la villa y de la parroquia, como'l de les otres poles asturianes, atribuyóse-y una procedencia llatina. Los participios fuertes y romances de poblar —> polar, esto ye, polu / pola / polo son los que xustifiquen les espresiones adiptongaes qu'apaecen na Edá Media pa indicar que les tierres se daben en poblo, ello ye, colos medios necesarios pa poneles en disposición de ser desmontaes y esplotaes. Pela cueta, los participios fuertes más arcaicos, influyíos polos continuadores etimolóxicos de populum ('pueblu'), xustificaríen dafechu les espresiones diptongaes puiblu, puelu, puela.

Teniendo en cuenta lo qu'antecede nada hai de raro en que l'Alministración favoreciera la colonización de nueves tierres y que cola referencia a los terrenos en pola uniera un particular conteníu llegal que dio nacimientu a unos nucleos poblaos que gozaron de determinaes ventayes pa la so fixación.

Xeografía

Asitiada na fastera septentrional del conceyu, el territoriu parroquial estiéndese ente los de les parroquies de Muñón Cimiru y Viḷḷayana, coles que llenda al norte, y los de Columbieḷḷo, Castieḷḷo y Zurea, coles que llenda al sur. La so llende occidental ye'l conceyu de Quirós, y el d'Ayer la oriental. La so estensión ye de 31,04 km² y tien una población (INE, 2010) de 8.883 habitantes. 8.555 d'ellos viven na villa homónima, capital del conceyu, y los otros repártense ente los nucleos de población que vienen darréu: Armá, Ayán, La Barraca, Los Campos, La Casanueva, Castañera, El Corraón, Las Figares, La Miera, Palaciós, Piedracea, Ribó, San Feliz, Tablao y El Vaḷḷe.

La Pola ye la villa capital del conceyu. Asítiase a 33 km d'Uviéu, a la vera izquierda'l ríu Ḷḷena y a 322 m d'altor sobro'l nivel de la mar.

Demografía

La parroquia tien una población de 9.026 habitantes (INE 2009).

La Pola tenía una población de 8.680 habitantes en 2006, mentes que tola parroquia sumaba 9.026 sumaba, o seya, 346 habitantes pel restu de poblaciones integrantes de la parroquia.

Entidaes de población

La parroquia de La Pola, según el nomenclátor de 2009, ta integrada por:

  • Armá (aldea): 21 habitantes;
  • Ayán (casería): despoblada;
  • La Barraca (barriu): 43 habitantes;
  • Los Campos (casería): 17 habitantes;
  • La Casanueva (casería): despoblada;
  • Castañera (casería): 6 habitantes;
  • El Corraón (casería): 9 habitantes;
  • Las Figares (casería): 2 habitantes;
  • La Miera (casería): 10 habitantes;
  • Mamorana (aldea): unos 10 habitantes;
  • Otero: (aldea): unos 10 habitantes;
  • Palaciós (llugar): 98 habitantes;
  • Piedracea (llugar): 59 habitantes;
  • La Pola (villa): 8 680 habitantes;
  • Ribó (casería): despoblada;
  • Ronzón (aldea): casi despoblada;
  • San Feliz (llugar): 34 habitantes;
  • Sorribas (aldea): unos 10 habitantes
  • Tablao (aldea): 12 habitantes;
  • El Vaḷḷe (aldea): 35 habitantes.

Patrimoniu

Artículu principal: Casa natal de Vital Aza.

La casa natal de Vital Aza ye una vivienda urbana de traces populares allugada nel centru de la villa. Datada nel sieglu XVIII, destaca pol so valir simbólicu, ya que nella nació a mediaos del sieglu XIX el poeta y dramaturgu Vital Aza. Dende 2006 ta declarada bien d'interés cultural d'Asturies.

Entornu natural

La Pola ye puntu de partida de varies rutes. Por exemplu, haza los altos del Fayéu del Mofusu, al traviés de la Capiella la Flor y Tablao, pel antiguu Camino Real de la Mesa (antigua vía romana de La Carisia).haza les tierres de Quirós pel Altu la Cobertoria; o haza l'Altu Riosa pel valle de Muñón. Haza los altos de la Peña Ḷḷagu, per L'Almoría, Pozos...; o haza les cumess de L'Aramu, pel cordal de Piedracea y Armá. Y na vertiente este del valle, en direición contraria, haza'l Picu Raneru y el Dolmen d'Espinas, per El Vaḷḷe, la Chana del Monte; o haza les cumes de Carracedo y altos divisorios col conceyu d'Ayer.

Fiestes y feries

Les principales fiestes y feries que se celebren nes distintes poblaciones de la parroquia son:

  • La Flor: llunes siguiente al llunes de Pascua.
  • Santumedero: Domingu de Pascua.
  • Pascua Bendueños: cuarenta díes dempués de Pascua.
  • Santu Alcuentru: Domingu de Pascua en Campumanes.
  • El Corderu: fiesta declarada d'Interés Turísticu Nacional que se celebra nel Prau Llagüezos el primer domingu del mes de xunetu.
  • Fiesta de la Escanda: última fin de selmana d'agostu nel Valle del Güerna.
  • La Corrona: primer fin de selmana d'agostu.
  • L'Antroxu: martes d'Antroxu.
  • El Cristu: en La Frecha, la primer fin de slemana de setiembre.
  • Les Feries: selmana del 12 d'ochobre, aunque se celebren na festividá del Pilar, son les fiestes de Nuesa Señora del Rosariu (fiesta'l Rosariu), en La Pola.

Personaxes ilustres

  • Vital Aza, escritor, comediógrafu y humorista asturianu, nacido en La Pola en 1851.
  • José Manuel Castañón, escritor que desenrolló la so obra nel sieglu XX.
  • Mario Fueyo, cantante de rap conocíu como Dark la Eme.

Bibliografía

Referencies

{{bottomLinkPreText}} {{bottomLinkText}}
La Pola (Ḷḷena)
Listen to this article