Llagu de Ládoga
From Wikipedia, the free encyclopedia
El llagu de Ládoga (rusu: Ладожское озеро, Ládozhskoye Ózero; Ладога, Ládoga; finlandés: Laatokka) ye un llagu d'agua duce asitiáu en Carelia y el óblast de Leningráu, cerca de la frontera con Finlandia. Con una superficie de 17 700 km², ye'l mayor llagu d'Europa y el 15º nel mundu. Nel so interior atopen 660 islles, con una superficie de 435 km², la mayoría asitiaes cerca de la mariña noroeste, ente elles les famoses islles Valaam, Konevets y Kipola. El llagu desagua nel golfu de Finlandia (mar Bálticu) al traviés del ríu Nevá en San Petersburgu. Les principales ciudaes nes sos riberes son Sortavala (19 215 hab. en 2010), Priozersk (18 933 hab.), Siastrói (13 745 hab.), Shlisselburg (13 170 hab.), Pitkyaranta (11 249 hab.), Nóvaya Ládoga (8838 hab.) y Lakhdenpokhya (7813 hab.).
Llagu de Ládoga | |
---|---|
Luadogu (krl) Laatokka (fi) | |
Situación | |
País | Rusia |
Óblasts | Óblast de Leningráu |
Tipu | llagu |
Parte de | Unified Deep Water System of European Russia (en) |
Coordenaes | 60°50′34″N 31°27′35″E |
Datos | |
Altitú media | 4,84 m |
Superficie | 17 700 km² |
Conca hidrográfica | cuenca del Nevá (es) |
Superficie de la conca | 276 500 km² |
Llonxitú | 219 km |
Fondura | 230 m |
El Ládoga ye parte de dos importantes rutes llacustre-fluviales: la vía navegable Volga-Bálticu —una ruta de 1100 km que xune'l mar Negru y el Bálticu— y la canal Mar Blanco-Bálticu —una ruta de 227 km que coneuta'l mar Blanco col Bálticu y que foi abierta en 1933.
El llagu de Ládoga tien la so propia especie endémica de foca anillada, llamada foca del Ládoga.