Llingües de Filipines
From Wikipedia, the free encyclopedia
En Filipines fálense más de 170 llingües, casi toes del grupu filipín dientro de la familia austronesia. Solamente dos d'elles, el filipín o tagalu (una variante de facto del tagalu) y l'inglés son oficiales en tol país.
Amás del tagalu, que ye l'idioma de la capital, Manila, y de la islla de Luzón, coesisten más de 170 llingües autóctones d'orixe malayu-polinesiu (en particular la mayor parte de llingües de Filipines d'orixe austronesiu paecen constituyir un grupu filoxenéticu llamáu grupu filipín). Les más importantes por númberu de falantes nel país son:
- Tagalu o filipín: 22.000.000 principalmente en Luzón;
- Cebuano: 20.000.000 principalmente nes Visayas Centrales y Mindanao;
- Ilocano: 7.700.000 en Luzón y otres islles;
- Hiligaynon o ilongo: 7.000.000 nes Visayas Occidentales;
- Bicolano: 3.700.000 principalmente en Bicolandia;
- Samareño: 3.100.000 principalmente en Sámar.
Fálense otres llingües minoritaries por influencia de comunidaes d'inmigrantes y motivaciones históriques, como español, chabacano (amiestu d'español con llingües autóctones de Filipines), chinu, árabe, xaponés, malayu, coreanu y delles llingües indostániques.