Música electrónica
From Wikipedia, the free encyclopedia
La música electrónica ye aquel tipu de música qu'emplega pa la so producción ya interpretación de preseos electrónicos y teunoloxía musical electrónica. Polo xeneral, puede estremase ente'l soníu producíu utilizando medios electromecánicos d'aquel producíu utilizando teunoloxía electrónica que tamién puede ser entemecida. Exemplos de dispositivos que producen soníu electro mecánicamente son el telarmonio, el órganu Hammond y la guitarra llétrica. La producción de soníos puramente electrónica puede llograse por aciu aparatos como'l theremin, el sintetizador de soníu y l'ordenador.
La música electrónica acomuñóse nel so día puramente con una forma de música culta occidental, pero dende finales de los años 1990, la disponibilidad de teunoloxía musical a precios accesibles dexó que la música producida per medios electrónicos fixérase cada vegada más popular. Na actualidá, la música electrónica presenta una gran variedá téunica y compositiva, tomando dende formes de música culta esperimental hasta formes populares como la música electrónica de baille.