Malasia británica
From Wikipedia, the free encyclopedia
Malasia británica (n'inglés British Malaya) foi un conxuntu d'estaos de la península de Malaca colonizaos polos británicu dende los sieglos XVIII y XIX hasta la segunda metá del sieglu XX. Hasta la conformanza de la Unión Malaya en 1946, estes colonies nun taben so una alministración unificada: Hasta 1946 la Malaya británica taba integrada poles Colonies Britániques de los Estrechos, los Estaos Malayos Federaos y los Estaos Malayos Ensin Federar.
Esti artículu necesita wikificase. |
Malasia foi, de los llamaos "protectoraos" británicos, colonia que defendieron dende'l primer momentu yá que yera la mayor fonte d'ingresos del imperiu. Malasia apurría'l 85% de la producción mundial de cauchu natural, 45% d'estañu y 23% de cromu. L'oxetivu británicu pa salvaguardar los intereses occidentales yera caltener a Malasia fuera del algame d'Indonesia y pallo entamó la construcción d'un estáu anexonando los territorios británicos del norte de Borneo, formando asina una Federación de Malasia y consiguiendo amás el predominiu de la población étnica malaya sobre la china.
El principal problema col qu'atoparon los británicos foi la diversa composición étnica y social: malayos musulmanes, chinos ya indios (traíos polos británicu como mano d'obra). En 1948 los británicos roblaron un alcuerdu pa formar la Federación Malaya, lo que traxo consigo una guerrilla de combatientes d'etnia mayoritariamente china por cuenta de que los plantadores empecipiaron la espulsión de los llabradores chinos de les tierres que cultivaben y estos clamaben la independencia. Los británicos empecipiaron campañes p'acusar a les guerrilles d'intereses comunistes y el 17 de xunetu de 1948 ilegalizaron al partíu comunista y a organizaciones izquierdistes, empecipiando asina una represión contra la población d'etnia china y la campaña de "emerxencia" pola cual mediu millón de llabradores d'etnia china fueron treslladaos a "pueblos protexíos" p'aisllalos de la guerrilla.
En 1957 los intereses coloniales camudaron por cuenta de que Gran Bretaña producía cauchu sintéticu y yá nun precisaba los recursos del territoriu, polo que decidió da-y la independencia y dexar el gobiernu en manes de Tunku Abdul Rahman. El procesu d'afitamientu remató en 1963 al crear la Federación de Malasia, compuesta por Malaya, la ciudá estáu de Singapur, Sabah y Sarawak ( les posesiones britániques del norte de Borneo) escluyendo'l sultanatu de Brunéi ( protectoráu británicu productor de petroleu). Esto provocó revueltes sociales acusando de la defensa de los intereses coloniales pero tres les revueltes raciales de 1969 consiguióse cierta estabilidá y n'especial bienestar social yá que indios y chinos, con menores preferencies que los malayos y otres etnies natives, aportaron a la ciudadanía.