Masái
From Wikipedia, the free encyclopedia
Plantía:Formatu de cita
| |
Tipu | Pueblu y etnia |
---|---|
Población total | 850 000 |
Llingua | Idioma masái |
Xeografía | |
Estáu | Kenia y Tanzania |
Mapa de distribución | |
Los masáis[1][2] son un pueblu envaloráu nunes 830000 persones, que viven en Kenia meridional y en Tanzania septentrional. Falen maa, que ye una llingua nilótica oriental, magar munchos d'ellos son capaces d'espresase correutamente en suaḥili ya inglés. La mayoría de los masáis caltienen la so relixón tradicional, anque nos últimos años dalgunos convirtiéronse al cristianismu.[3]
Antes de la colonización, yeren un pueblu guerreru que vivía de la depredación. Anguaño, son pregueros nómades de bóvidos, oveyes y cabres, alredor de los cualos xira la so riqueza económica.
Viven n'asentamientos llamaos "manyata", círculos de cabañes feches de cañes y arrodiaes de paya p'arrodiar el fatáu. La so vida cultural esta llena de celebraciones, qu'empiecen cola nacencia. Los masái estremen los grupos d'edá en niñez, guerreru menor (moren), guerreru mayor, adultu menor y adultu mayor. Cada xeneración d'homes constitúi un grupu que pasa socesivamente per cada grau d'edá. Dempués de la circuncisión, los mozos soceden homes y guerreros menores. D'antiguo, teníen que pasar una prueba d'adultu que consistía a cazar un lleón. Güei perdióse la tradición porque'l lleones son consideraos especie protexida.
El sistema políticu masái ye descentralizáu; convóquense xuntes de vieyos y discutinios públicos pa decidir sobre los asuntos más xenerales. Inda s'impon la importancia que tien pa ellos el fatáu. La so relixón céntrase alredor de creencies místiques referentes a los masái, al so fatáu, y a Dios. Les vaques son sagraes, y tamién lo ye la so tierra y tolos elementos que xiren alredor del fatáu. El fatáu aprove de toles necesidaes a los masáis: lleche, sangre y carne pa la dieta, y cueru y pieles pa la so ropa.
Falen el idioma masái, una llingua que pertenez a la caña oriental del subgrupu nilóticu, y forma parte del grupu de llingües sudániques orientales pertenecientes a les llingües niloticosaharianas. Aun así, usen el suahili como llingua franca.