Mitoloxía
From Wikipedia, the free encyclopedia
La mitoloxía[1] ye un conxuntu de mitos relativamente cohesionados o paralelamente xuntaos: relatos que formen parte d'una determinada relixón o cultura. Tamién se-yos denoma mitos a los discursos, narraciones o espresiones culturales d'orixe sagráu, y que darréu fueron secularizaos y trataos como discursos relativos a una cultura, a una dómina o a una serie de creencies de calter imaxinariu.
Los mitos son relatos basaos na tradición y na lleenda, creaos pa desplicar l'universu, l'orixe del mundu, los fenómenos naturales y tamién para cualquier socesu pal que nun heba una esplicación conocida. Sicasí, non tolos mitos tienen por qué tener esti propósitu esplicativu. Igualmente, la mayoría de los mitos tán rellacionaos con una fuerza natural o deidá, pero munchos son a cencielles histories y lleendes que foron tresmitiéndose oralmente de xeneración en xeneración.