Moscú
capital de Rusia / From Wikipedia, the free encyclopedia
Moscú (en rusu: Москва, treslliteráu como Moskvá) ye la capital y suxetu federal más pobláu de Rusia. Importante centru políticu, económicu, cultural y científicu de Rusia y del contiente européu, ye la megaciudá más septentrional de la Tierra, la segunda ciudá más poblada d'Europa dempués d'Estambul[2] y la octava más poblada del planeta, siendo la mayor de toles asitiaes en países desarrollaos. Ye una ciudá global alpha nel ránking ellaboráu pol think tank Globalization and World Cities Research Network, y ún de los destinos turísticos con más crecimiento en númberu de visitantes. En ella podemos alcontrar la torre Ostankino, la mayor torre de comunicaciones d'Europa (540 m d'altor); la Mercury City Tower, el mayor rascacielos de continente (338,8 m); y el distritu comercial Moskow International Business Center. La so población ye de 12.197.596 habitantes (Rosstat, 2015)[3] Per aciu de la so espansión territorial al suroeste del óblast de Moscú, a partir del 1 de xunetu de 2012 la ciudá aumentó la so área 2,5 vegaes (pasó de 1.000 km² a 2.511 km²) y ganó una población adicional de 230.000 habitantes[4]
 Moscú | |||||
|---|---|---|---|---|---|
|
| |||||
| |||||
| Alministración | |||||
| País |  Rusia | ||||
| Tipu d'entidá |
capital de Rusia (es)  | ||||
| Prime Minister of Moscow (en) |
Sergéi Sobianin (es) | ||||
| Nome oficial | Москва (ru) | ||||
| Nome llocal | Москва | ||||
| Nomatu |
Третий Рим (ru) Өченче Рим (tt) Third Rome (en) | ||||
| Códigu postal |
ver
| ||||
| Xeografía | |||||
| Coordenaes | 55°45′21″N 37°37′04″E | ||||
  Moscú Moscú (Rusia)  | |||||
| Superficie | 2562 km² | ||||
| Altitú | 156 m | ||||
| Llenda con | Óblast de Moscú y Óblast de Kaluga | ||||
| Demografía | |||||
| Población | 12 455 682 hab. (1r xineru 2021) | ||||
| Porcentaxe | 8.48% de Rusia | ||||
| Densidá | 4861,7 hab/km² | ||||
| Más información | |||||
| Fundación | valor desconocíu | ||||
| Prefixu telefónicu |
495, 499 | ||||
| Estaya horaria |
Hora de Moscú UTC+03:00 Europa/Moscú [1] | ||||
| Llocalidaes hermaniaes |
Lugansk, La Paz, Tblisi, Berlín, El Cairu, Vilnius, Kolomna, Pavlodar, Nueva Delhi, Tirana, Madrid, Tel Aviv, Teḥrán, Riga, Bucarest, Beixín, Banja Luka, Torzhok (es) , Lausana, Bruxeles, Tarento, Londres, Liubliana, Sofía, Ámsterdam, Praga, Delhi, Manila, Buenos Aires, Astaná, Atenes, Düsseldorf, Viena, Bangkok, Yereván, Arxel, Túnez, Xakarta, Ankara, Amán, Beirut, Seúl, Bruxeles, Ámsterdam, Simferópol, Podgorica, Košice, Donetsk, Gəncə (es) , Rasht, Jelgava (es) , Pazardzhik (es) , Tokiu, Bratislava, Pyong Yang, Cuzco, Krasnoyarsk (es) , Ramala, Ciudá de Méxicu, Chicago, Cracovia, Varsovia, Tallín, Ingolstadt, Brest, Ciudad Ho Chi Minh, Debrecen, Eindhoven y Kiev | ||||
| mos.ru | |||||
 | |||||
La ciudá asítiase a la vera'l ríu Moscova, nel Distritu Federal Central de la Rusia europea, y ye la mayor del mundu que nun ta a la vera la mar. Rescamplen nel so paisaxe urbanu dellos edificios históricos, como'l Kremlin, una ciudá-fortaleza medieval que ye anguaño la residencia del presidente del país, o la catedral de San Basiliu. Tien un 40% del so territoriu de zona verde, y inclúi la mayor viesca urbana del mundu. A lo llargo la so historia tien sío capital de dellos estaos, dende'l Gran Ducáu de Moscú na Edá Media hasta la Rusia zarista o la Xunión Soviética. Considérasela'l centru de la cultura rusa, y nella vivieron y trabayaron a lo llargo los sieglos munchos de los más prestixosos artistes, científicos y deportistes rusos atrayíos pola bayura de museos, teatros ya instituciones académiques y polítiques de la ciudá. Ye la sé del gobiernu de Rusia, una y bones el presidente vive nella y tamién nella tienen la so sé les dos cámares del parllamentu rusu, la Duma Estatal y el Conseyu de la Federación.
La ciudá ye un importante ñudu de comunicaciones, con cuatro aeropuertos internacionales, nueve estaciones de ferrocarril, tranvía, un sistema de monoraíl y ún de los mayores sistemas de metro más importantes del mundu. El Metro de Moscú ye'l cuartu con más quilómetros de rede y el que más pasaxeros mueve añalmente fuera d'Asia. Ye, amás, ún de los iconos arquiteutónicos y turísticos de la ciudá pola riqueza decorativa de les sos 194 estaciones.