Muriu de Berlín
From Wikipedia, the free encyclopedia
El Muriu de Berlín (n'alemán: Berliner Mauer) foi un muriu de seguridá que formó parte de la frontera interalemana dende'l 13 d'agostu de 1961 hasta'l 9 de payares de 1989 que dixebró la zona de la ciudá berlinesa encuadrada nel espaciu económicu de la República Federal d'Alemaña (RFA), Berlín Oeste, de la capital de la RDA ente esos años.[1] Ye'l símbolu más conocíu de la Guerra fría y de la división d'Alemaña.[2] Esti muriu yera denomináu na República Democrática Alemana (RDA) como Muriu de Proteición Antifascista (Antifaschistischer Schutzwall)[3][4] y per parte de los medios de comunicación y parte de la opinión pública occidental como «muriu de la vergüenza» (Schandmauer),[3][5]
Muriu de Berlín | |
---|---|
Berliner Mauer (de) | |
fortificación fronteriza (es) , edificiu desapaecíu, atraición turística, línea defensiva (es) y barrera de separación (es) | |
Llocalización | |
País | Alemaña |
Sede (es) | Berlín |
Coordenaes | 52°30′16″N 13°26′28″E |
Historia y usu | |
Construction of the Berlin Wall (en) | 13 agostu 1961 |
Caída del muro de Berlín (es) | 9 payares 1989 |
Comisariu | República Democrática Alemana |
Arquiteutura | |
Materiales | formigón armao |
Altor | 3,6 m |
Llargor | 155 km |
Costu | 100 000 000 M |
Patrimoniu | |
Web oficial | |
El Bloque del Este apoderáu polos soviéticos sostenía que'l muriu foi llevantáu pa protexer a la so población d'elementos fascistes que conspiraben pa evitar la voluntá popular de construyir un Estáu socialista n'Alemaña del Este. Na práutica, el muriu sirvió pa torgar la emigración masiva que marcó a l'Alemaña del Este y al bloque comunista tres la creación de los dos Alemanias.
Un muriu de 45 quilómetros estremaba la ciudá de Berlín en dos, ente qu'otros 115 quilómetros arrodiaben la so parte oeste aisllándola de la RDA. Esto ye, el Muriu constituyía la frontera estatal ente la RDA y l'enclave de Berlín Oeste. Foi unu de los símbolos más conocíos de la Guerra Fría y de la separación d'Alemaña.[6]
Desconozse'l númberu exactu de persones que finaron al intentar trespasar la frontera al traviés del muriu. La Fiscalía de Berlín considera que'l saldu foi de más de 200 persones, incluyendo 33 que finaron de resultes de la detonación de mines. Pela so parte el Centru d'Estudios Históricos de Potsdam estima en 125 la cifra total de muertos na zona del muriu.[7]