Música de cámara
From Wikipedia, the free encyclopedia
Música de cámara ye aquella compuesta pa un amenorgáu grupu de instrumentos, en contraposición a la música d'orquesta. El nome vien de los llugares nos qu'ensayaben pequeños grupos de músicos mientres la Edá Media y el Renacimientu. A eses habitaciones, non bien grandes, llamábase-yos cámares.
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Apostrada hasta entós a los salones de l'aristocracia, la música de cámara empezó adulces a espublizase en pequeñes sales de conciertu y en cases particulares. Esto vien inducíu pol accesu de la burguesía a la práutica instrumental y a les conocencies musicales y tamién porque, económicamente, una agrupación de cámara yera muncho más rentable qu'una orquesta.
Hai dos detalles que dexen carauterizar cabalmente una obra de cámara: 1) cada músicu toca una parte distinta y 2) nun hai direutor; los músicos tienen de tar asitiaos de manera que puedan mirase ente sigo, pa llograr la meyor coordinación. Nun s'inclúin les obres pa instrumentos solos (eso dexa de llau tou la lliteratura pa pianu solu y composiciones como les sonates y partitas pa violín o les suites para violoncello, de Bach). La pallabra cámara implica que la música puede ser executada nuna habitación, con una atmósfera d'intimidá.
- Música pa una pequeña xunta, esautamente como ye la música de cámara.
La orquesta de cámara (n'inglés chamber orchestra) ye una orquesta pequeña, y polo tanto con posibilidaes d'executar música dientro de sala pequeña; nun ye puramente una orquesta de cuerda, porque puede haber tamién instrumentos de vientu.
Teóricamente nun hai una llende máxima de instrumentos, pero, na práutica, la mayoría de les composiciones entienden dende dos hasta venti.
Hai munches combinaciones instrumentales, la más importante de les cualos ye'l cuartetu de cuerdes. Otros grupos avezaos de cámara son el tríu de cuerdes, el tríu con pianu, el quintetu con pianu y el quintetu de cuerdas. Menos avezaos son los instrumento de vientu y de metal.
Dellos compositores escribieron obres pa grupos mistos de vientos y cuerdes, y dalgunos escribieron pa instrumentos de vientu solos, anque los instrumentos de metal (con esceición de la trompa) práuticamente nun s'utilizaron. Esto debe quiciabes a que'l so soníu potente nun ye afechu pa l'atmósfera intimista mesma del xéneru.