Nicaragua - Wikiwand
For faster navigation, this Iframe is preloading the Wikiwand page for Nicaragua.

Nicaragua

De Wikipedia


Nicaragua
estáu soberanu
bandera de Nicaragua Escudo de Nicaragua (es) Traducir
Lema nacional In God We Trust
Himnu nacional Salve a ti (es) Traducir
Alministración
Nome oficial República de Nicaragua
Capital Managua
Forma de gobiernu República
Presidente de Nicaragua (es) Traducir Daniel Ortega (dende 10 xineru 2007)
Presidente de Nicaragua (es) Traducir Daniel Ortega
Llingües oficiales castellanu
División
Rellaciones diplomátiques
Miembru de
Xeografía
Coordenaes 13°N 85°O / 13°N 85°O / 13; -85Coordenaes: 13°N 85°O / 13°N 85°O / 13; -85
Superficie 120,339 km² (puestu 97)
% agua 7,7%
Costes 910 km
Llenda con 1.231 km
Puntu más altu Mogotón (es) Traducir
Puntu más baxu Mar Caribe
Demografía
Población 5,888,945 (2011 est.) hab. (2017)
Densidá Error d'espresión: Operador ( inesperáu hab/km²
Xentiliciu • nicaraguanu, -a, -o[1]
Esperanza de vida 75,404 años
IDH 0,631 (2014)
Tasa de fertilidá 2,264 (2014)
Economía
Moneda córdoba (es) Traducir
Bancu central Banco Central de Nicaragua (es) Traducir
Más información
Dominiu d'Internet .ni
Códigu telefónicu +505
Códigu ISO 558 / NIC / NI
Estaya horaria UTC−06:00
visitnicaragua.us
Cambiar los datos en Wikidata

Nicaragua, oficialmente República de Nicaragua, ye'l mayor de los países d'América Central. Asitiáu ente los 11 y 14 graos al norte del Ecuador, llenda al norte con Hondures, al sur con Costa Rica, al este col mar Caribe y al oeste col océanu Pacíficu. El país ta dixebráu, dende'l puntu de vista de la so xeografía física, en trés estayes: les tierres baxes del Pacíficu; la zona central, montañosa y con un clima húmidu y frescu; y les tierres baxes de la fastera caribeña. Na fastera occidental del país alcuéntrense los dos mayores llagos d'agua dulce d'América Central: el llagu Managua y el llagu Nicaragua. Arrodiándolos, y estensiéndose al noroeste d'ellos, siguiendo'l valle del golfu de Fonseca, hai una estensión de tierres baxes de gran fertilidá, una y bones el suelu viose históricamente arriquecíu poles cenices de los cercanos volcanes de les tierres altes del centru'l país. Dende'l puntu de vista de la biodiversidá Nicaragua ye'l país más ricu de toa América Central.

Les tierres qu'anguaño son Nicaragua foron conquistaes pol Imperiu español nel sieglu XVI, y pertenecieron a él hasta que'l país algamó la independencia en 1821. De magar el país tuvo una vida política convulsa, con problemes constantes y diverses dictadures qu'acabaron provocando l'españíu de la revolución nicaraguana de les décades de 1960 y 1970. Anguaño, el país ye una república democrática representativa, y ta conociendo un periodu de crecimientu económicu moderáu y estabilidá política. Nel 1990 foi elexida presidenta Violeta Chamorro, que foi la primer muyer xefa d'estáu na historia d'América Central y la segunda en tol continente americanu.

La población del país ye d'unos seis millones de persones, y una cuarta parte d'ellos viven na capital, Managua, que ye la tercer mayor ciudá d'América Central. La composición racial del país ye un amiestu nel que hai un 17% de blancos, un 9% de negros, un 4% d'amerindios puros y un 69% de mestizos de toa triba. La llingua oficial ye l'español, magar que les tribus indíxenes de la costa oriental falen les sos llingües propies (miskito, sumo, rama... ) y l'inglés criollo. Esti amiestu de tradiciones culturales produció una gran diversidá de tendencies artístiques y lliteraries. Destaquen, ente más otros, los escritores Rubén Darío, Ernesto Cardenal y Gioconda Belli.


Historia

Política y gobiernu

Organización política

L'actual Constitución nicaraguana foi promulgada pola Asamblea Nacional el 19 de payares de 1986, y ta vixente dende'l 9 de xineru de 1987. Foi reformada por primer vegada el 4 de xunetu de 1995, y otra vuelta en xineru de 2000, cuando entraron en vigor delles reformes parciales pactaes ente lliberales y sandinistes.

Tres de toes eses reformes la Constitución define a Nicaragua como un estáu independiente, llibre, soberanu, unitariu y indivisible, nel que tán garantizaos el pluralismu políticu, la economía mista y el calter de país non alliniáu. El poder ta repartíu ente los poderes executivu, llexislativu, xudicial y eleutoral. El primeru exércelu'l presidente de la República, que ye a la vez xefe del estáu, xefe del gobiernu y cabezaleru de les Fuercies de Defensa y Seguridá de la nación. El llexislativu reside na Asamblea Nacional, formada por 92 representantes elexíos pa un periodu de cinco años. Tocántenes al poder xudicial, el so muérganu cimeru ye la Corte Suprema de Xusticia; y el poder eleutoral intégrenlu el Conseyu Supremu Eleutoral y los sos organismos subordinaos.

Gobiernu

El presidente del país ye, dende' 10 de xineru de 2007, José Daniel Ortega Saavedra, que tien como vicepresidente a Jaime Morales Carazo. El presidente de l'Asamblea Nacional ye René Núñez, y el gabinete de ministros ta formáu polos siguientes ministerios y persones:

  • Gobernación: Ana Isabel Morales Mazún.
  • Defensa: Maritza Membreño Morales.
  • Rellaciones Esteriores: Samuel Santos López.
  • Agropecuariu y Forestal: Ariel Bucardo Rocha.
  • Educación, Cultura y Deportes: Miriam Raudez.
  • Facienda y Creitu Públicu: Alberto José Guevara Obregón.
  • Salú: Sonia Castro González.
  • Trabayu: Jeaneth Chávez Gómez.
  • Recursos Naturales y del Ambiente: Juana Argeñal.
  • Familia: Marcia Ramírez.
  • Fomentu, Industria y Comerciu: Orlando Solórzano.
  • Tresporte y Infraestructura: Pablo Fernando Martínez Espinoza.
  • Fiscal Xeneral de la Nación: Julio Centeno Gómez.
  • Procurador Xeneral de Xusticia: Hernán Estrada Santamaría.

Partíos políticos y sindicatos

Los principales partíos políticos, y los sos principales cabezaleros, son los que vienen darréu:

  • Partíu Frente Sandinista de Lliberación Nacional (FSLN). El so secretariu xeneral ye José Daniel Ortega Saavedra.
  • Partíu Lliberal Independiente, que'l so presidente y representante llegal ye Indalecio Aniceto Rodríguez.
  • Partíu Lliberal Constitucionalista (PLC). El so presidente y representante llegal ye Jorge Castillo Quant.
  • Alianza Lliberal Nicaraguana (ALN). El so presidente y representante llegal ye Alejandro Mejía Ferreti.
  • Movimientu Renovador Sandinista (MRS). El so principal cabezaleru ye Enrique Sáenz.

No que cinca a los sindicatos, el más importante del país ye'l Frente Nacional del Trabayu (FNT), que'l so secretariu xeneral ye Gustavo Porras. Ta integráu por dellos sindicatos sectoriales.



Xeografía

Organización territorial

Nicaragua ye una república xunitaria, que ta sodividida, pa cuestiones alministratives, en 15 departamentos y dos rexones autónomes organizaes según el modelu español. Los departamentos tán sodividíos en 153 conceyos (municipios). Les dos rexones autónomes (Rexón Autónoma Atlánticu Norte y Rexón Autónoma Atlánticu Sur, a menudo nomaes poles sos sigles RAAN y RAAS) formaben, primeru de la so concesión d'autonomía en 1985, un únicu departamentu, nomáu Zelaya.


División políticu-alministrativa de Nicaragua
Departamentu Población (2002) Superficie (km²) Densidá (hab/km²) Capital
01
Atlánticu Norte
236 560 32 159 6 Bilwi
02
Atlánticu Sur
332 752 27 407 10 Bluefields
03
Boaco
156 649 2 155 32 Boaco
04
Carazo
170 808 1 051 142 Jinotepe
05
Chinandega
419 757 4926 71 Chinandega
06
Chontales
167 424 6378 23 Juigalpa
07
Estelí
201 305 2335 75 Esteli
08
Granada
179 163 929 168 Granada
09
Jinotega
319 908 9755 26 Jinotega
10
León
383 221 5107 66 León
11
Madriz
122 182 1602 67 Somoto
12
Managua
1 868 297 3672 298 Managua
13
Masaya
290 421 590 409 Masaya
14
Matagalpa
501 229 8523 45 Matagalpa
15
Nueva Segovia
181 038 3123 47 Ocotal
16
Río San Juan
90 867 7473 9 San Carlos
17
Rivas
159 649 2155 65 Rivas
18
 Nicaragua
5 900 100 130 494 45 Managua
(*)= Tolos datos de población son del censu de 2002.

Demografía

La población del país, según la estimación pal 2011 del Instituto Nacional de Información de Desarrollo, ye de 5.888.945 habitantes. Estos repártense ente los distintos grupos étnicos acordies colos siguientes porcentaxes: mestizos, 69%; blancos, 17%; negros, 9%; y amerindios, 4%.

Les mayores ciudaes del país son:

Ciudá Población (2011, est.)
Managua 1.021.679
León 193.123
Masaya 164.292
Matagalpa 146.692
Chinandega 133.123
Tipitapa 127.791
Granada 122.478
Estelí 122.389
Jinotega 121.320

Economía

Cultura

Enllaces esternos


Referencies

  1. Academia de la Llingua Asturiana (2010). Cartafueyos Normativos. Nomes de los países del mundu y de les sos capitales y xentilicios. ISBN 987-84-8168-500-8.
  2. Los datos recoyíos nesti apartáu tán sacaos del Anuario Iberoamericano 2012 del Real Institutu Elcano y l'Axencia Efe. Disponible en http://www.anuarioiberoamericano.es/
  3. Los datos recoyíos nesti apartáu tán sacaos del Anuario Iberoamericano 2012 del Real Institutu Elcano y l'Axencia Efe. Disponible en http://www.anuarioiberoamericano.es/


Países d'América
Antigua y Barbuda | Arxentina | Les Bahames | Barbados | Belize | Bolivia | Brasil | Canadá | Chile | Colombia | Costa Rica | Cuba | Dominica | República Dominicana | Ecuador | Estaos Xuníos d'América | Granada | Guatemala | Guyana | Haití | Hondures | Méxicu | Nicaragua | Panamá | Paraguái | Perú | El Salvador | Saint Kitts y Nevis | Saint Lucia | San Vicente y Les Granadines | Surinam | Trinidad y Tobago | Uruguái | Venezuela | Xamaica

Dependencies: Anguilla | Les Bermudes | Islles Caimán | Clipperton | Guadalupe | Guyana Francesa | Groenlandia | Islles Malvines | Islles Turques y Caicos | Montserrat | Martinica | Puertu Ricu | Shag Rocks | Xeorxa del Sur y Sandwich del Sur

{{bottomLinkPreText}} {{bottomLinkText}}
Nicaragua
Listen to this article