For faster navigation, this Iframe is preloading the Wikiwand page for Normandía.

Normandía

De Wikipedia

Esti artículu o seición necesita correxise urxentemente. Tien fallos na redaición, la gramática o la ortografía que precisen meyorase.
Normandía
Palais de justice de Rouen 3.JPG
Flag of Normandie.svg
Blason region fr Normandie.svg
y
Alministración
PaísBandera de Francia Francia
Organización territorialFrancia metropolitana
ISO 3166-2 FR-NOR
Tipu d'entidá rexón de Francia
Capital Rouen
Cabezaleru/a del gobiernu Hervé Morin
Nome oficial Normandie (fr)
Région Normandie (fr)
División
Xeografía
Coordenaes 49°11′11″N 0°21′10″O / 49.1864°N 0.3528°O / 49.1864; -0.3528Coordenaes: 49°11′11″N 0°21′10″O / 49.1864°N 0.3528°O / 49.1864; -0.3528
Normandie2014 region locator map.svg
Superficie 29906 km²
Llenda con Países del Loira, Centru-Valle del Loira, Islla de Francia, Altos de Francia y Bretaña
Puntu más altu Q3483587 Traducir
Demografía
Población 3 325 032 hab. (1 xineru 2019)
Densidá 111,18 hab/km²
Más información
normandie.fr
Cambiar los datos en Wikidata

Normandía (en francés Normandie, en normandu Normaundie) ye una rexón xeográfica del norte de Francia. L'Alta Normandía (Haute-Normandie) encadármase polos departamentos franceses de Sena Marítimu y Eure. La Baxa Normandía (Basse-Normandie) intégrase por Orne, Calvados y Manche.

L'antiguu Ducáu de Normandía allugábase nel norte de Francia, y acupaba l'aria baxa'l ríu Sena, el Pays de Caux y la rexón del oeste al traviés de Pays d'Auge hasta la Península de Cotentin. Históricamente, Normandía foi una provincia de Francia.

Les Islles Anglonormandes magar que son dependencies de la corona británica, son cultural y históricamente parte del Ducáu de Normandía.

Historia

Invasión Aliada a Normandía, Dia D, 1944
Invasión Aliada a Normandía, Dia D, 1944

Normandía foi'l llugar onde habitaron los Normandos a entamos de la Edá Media. Ellos foron los últimos n'invadir con éxitu Inglaterra. Yeren una meza d'indíxenes galos y viquingos invasores baxo'l mandu de Robertu I (Gange Rolf), quien sitió París ya-y foi concedida l'aria de Normandía a cambéu de defendela escontra los ataques pirates, per aciu'l Tratáu de Saint-Clair-sur-Epte nel añu de 911.

El descendiente de Robertu, Guillermu, Duque de Normandía, invadió Inglaterra en 1066 y tornóse nel Rei Guillermu I d'Inglaterra. Normandía caltúvose arreyada con Inglaterra hasta 1087, ente 1106 y 1144 y ente 1154 y 1204. La Batalla de Bouvines tevo llugar en 1214. Foi ocupada por fuercies ingleses pela Guerra de los Cien Años ente 1346 y 1360 y nuevamente ente 1415 y 1450. Les families normandes, como la de Tancrède de Hauteville tuvieron un importante papel nes Cruzaes

Tanto Robert Wace como Orderico Vital son importantes escritores normandos de la historia de la provincia.

En 1942, na Segunda Guerra Mundial, tevo llugar la Batalla de Dieppe (Sena Marítimu), ataque de les fuercies aliaes (prencipalmente canadianes y britániques) a los acupantes alemanes.

La rexón foi tamién l'escenariu de la Batalla de Normandía o Operación Overlord que tevo llugar na mañana del 6 de xunu de 1944, data tamién conocida como'l “Día D”. Esi día, los algares aliaos abrieron un segundu frente escontra'l exércitu nazi.

En 2004, por mor del sesentenu aniversariu del desembarcu, el Canciller d'Alemaña Gerhard Schröder visitó la rexón, marcando un fitu nes rellaciones franco-alemanes.[1]

Xeografía

Cantiles d'Etretat
Cantiles d'Etretat

Normandía ye una creación de la historia, nun tien una xunidá xeográfica encartichada. Dixébrase en dos rexones naturales bien estremaes y d'orixe xeológicu desemeyáu que nun correspuenden cola dixebra ente les dos rexones normandes de Calvados y Orne que faen de llende tresversal de norte a sur.

El Sena afalagando Petit-Andely, dende'l Castiellu Gaillard
El Sena afalagando Petit-Andely, dende'l Castiellu Gaillard

La diversidá xeológica da como resultáu una gran variación nos paisaxes. El bocage, pequeños campos con altes barganaces, paisaxe típicu del aria del oeste, causó problemes pa les fuercies invasores na Batalla de Normandía.

Les costes marítimes presenten tamién aspeutos desemeyaos: La rexón ta bordeada pel norte pola Canal de la Mancha. Hai cantiles cretéceos qu'enanten dende Tréport hasta Le Havre.[2]

Les prencipales rexones naturales son: Pays de Caux, Pays de Bray, Marais Vernier, Vexin normand, Suisse Normande, Roumois, Lieuvin, Le Neubourg, Evreux, Saint-André, Pays d'Ouche, Pays d'Auge, Hiémois, Houlme, Bessin, bocage Virois, Península de Cotentin y Avranchin.

Los cursos d'augua que s'alcuentren en Normandía son el Sena y los sos tributarios Epte, Andelle, Eure y Risle asina como una riestra d'afluentes menores como Bresle, Touques, Dives, Orne, Vire, Sée, Sélune, Couesnon.

Na rexón hai dos parques naturales: el de Marais du Cotentin y de Bessin y el de Boucles de la Seine normande.

Demografía

Normandía tien 3.200.000 habitantes, con un promediu de densidá poblacional de 107 hab/km², xusto per embaxo'l promediu nacional de Francia. Les principales ciudaes son Rouen (385.000 habitantes, incluyendo los suburbios), la capital d'Alta Normandía y antiguamente de tola provincia Le Havre (247.000 habitantes); Caen (200.000 habitantes), la capital de Baxa Normandía; y Cherbourg (89.000 habitantes).

Otres ciudaes importantes son: Alençon, Arromanches-les-Bains, Avranches, Bayeux, Dieppe, Évreux, Honfleur y Lisieux.

Dientro de la Xunión Europea, Normandía ta per enriba del nivel mediu no qu'a medría demográfica ya inmigración se refier.

Cultura

Casa normanda
Casa normanda


L'idioma normandu, una llingua rexonal, ye falada por una minoría de la población, especialmente na península de Cotentin, al oeste y nel Pays de Caux al este.

Arquiteutura: Les catedrales, abadíes (tales como l'Abadía de Bec) y castiellos son carauterísticos del ex-ducáu nel sen que reflexen los modelos de l'arquiteutura normanda n'Inglaterra.

L'arquiteutura doméstica n'Alta Normandía carauterízase por tener maderes a la vista que tamién evoquen l'arquiteutura inglesa vernácula, magar que l'averamientu de les granxes del Pays de Caux correspuende más a una necesidá socio-económica y climática.

Gran cantidá de l'herediu arquiteutónicu urbanu foi destruyíu pela Batalla de Normandía en 1944. La recostruición de posguerra, como n'Le Havre (Padremuñu de la Humanidá[3])y Saint-Lô puede dicise qu'amuesa tanto les virtudes como los vezos de les tendencies modernistes y brutalistes de los años 1950 y 1960.

L'arquiteutura vernacular de baxa Normandía toma la so forma dende'l granitu, el material de construcción predominante na zona. Chausey foi per munchos años el llugar d'extración, yá que posee canteres de granitu, inclusive estráxose d'ellí'l granitu que s'emplegó na construcción de Mont Saint Michel.

Lliteratura: Ente los escritores n'idioma francés arreyaos con Normandía afáyense:

Pintura: De magar 1860, los pintores “plein-air”, que trabayaben fuera de los estudios, foron atrayíos hacia Normandía pola facilidá que daben les conexones ferries ente París y esta zona. La casa y xardín de Claude Monet en Giverny ye ún de los atrautivos turísticos, yá que'l llugar sirvió d'inspiración pa la riestra de cuadros que tienen por tema nifeés y nenúfares.

Les marines d'Eugène Boudin tamién s'afayen inspiraes na rexón.

Entee los artistes que ñacieron en Normandía alcuéntrense: Nicolas Poussin, Jean-François Millet, Marcel Duchamp, Fernand Léger, André Breton, Raoul Dufy, Théodore Géricault, Maurice Boitel y Jean Dubuffet.

Música: Los compositores Erik Satie, François-Adrien Boïeldieu y Arthur Honegger ñacieron en Normandía.

Moda: El diseñador de moda Christian Dior ñació en Granville. La modelu y actriz Laetitia Casta lació en Pont-Audemer.

Gastronomía: Normandía tien sonadía pola so bayurosa campiña, que provee espacios afayaízos pa pastoríu y güertes frutales, especialmente de mazanes. La produción de llácteos de la rexón ye renomada: los quesos son mundialmente conocíos, ente los que s'alcuentren: el Camembert, Livarot y el Pont l'Evêque. La mantega de Normandía ye mui apreciao, al empar que la crema, dambes mui emplegaes n'especialidaes gastronómiques llariegues.

Normandía ye'l mayor produtor de sidra de la rexón. Tamién se produz sidra de [[pera|peres], pero en cantidaes menos importantes y hai poca produción de vinos. La variedá de brandy de mazana más conocío ye calvados. La costume nomada trou normand ye una pausa ente'l trescursu de la comida pela cual los comensales tomen calvados, y ye entá practicada en munchos fogares y restaurantes. El Pommeau ye un aperitivu producíu per aciu la meza de zumu de mazana ensin formentar con brandy de mazana.

Les mazanes tamién son emplegaes na cocina: por exemplu, moules à la normande son moxones cocinaos con mazanes y crema, bourdelots son mazanes forneaes en bizcochuelu. Una tarta clásica de la rexón ye Flan Normand, una variante de la tarta de mazana pero con una masa foyaldrada.

Normandía ye la principal rexón de Francia nel cultivu d'ostres.

Árboles singulares: Son de gran sonadía los dos texos de La Haye-de-Routot., nel departamentu d'Eure.

Relixón

Catedral de Caudebec
Catedral de Caudebec

Les catedrales de Normandía exercieren gran influyencia en custiones de fe y política al traviés de los sieglos. Mont Saint Michel ye un históricu noyu de pelegrinación. Al traviés de los sieglos, en Normandía reverenciárense a munchos santos, ente los que s'inclúin:

  • Teresa de Lisieux cuyu cultu en Lisieux ye'l noyu de la devoción relixosa
  • Xuana d'Arcu que foi martirizada en Rouen, y ye especialmente renembrada nesa ciudá.
  • Aubert d'Avranches foi l'obispu fundador de Monte Saint-Michel
  • San Marcouf y San Laud son santos importantes en Baxa Normandía
  • Thomas Becket, un anglo-normandu cuyos padres yeren de Rouen.

Normandía nun posee un santu patrón xeneralmente aceutáu, magar qu'esi títulu atribuyérase-y a San Miguel Arcánxel y a San Ouen.

Referencies

  1. «Símbolu d'una Nueva Europa» (español). Deutsche Welle 07.06.2004.
  2. «Territoriu» (español). France-Diplomatie.
  3. «La ciudá de Le havre, padremuñu mundial de la humanidá» (español). France-Diplomatie.


Enllaces esternos

Saber más de Normandía

{{bottomLinkPreText}} {{bottomLinkText}}
Normandía
Listen to this article

This browser is not supported by Wikiwand :(
Wikiwand requires a browser with modern capabilities in order to provide you with the best reading experience.
Please download and use one of the following browsers:

This article was just edited, click to reload
This article has been deleted on Wikipedia (Why?)

Back to homepage

Please click Add in the dialog above
Please click Allow in the top-left corner,
then click Install Now in the dialog
Please click Open in the download dialog,
then click Install
Please click the "Downloads" icon in the Safari toolbar, open the first download in the list,
then click Install
{{::$root.activation.text}}

Install Wikiwand

Install on Chrome Install on Firefox
Don't forget to rate us

Tell your friends about Wikiwand!

Gmail Facebook Twitter Link

Enjoying Wikiwand?

Tell your friends and spread the love:
Share on Gmail Share on Facebook Share on Twitter Share on Buffer

Our magic isn't perfect

You can help our automatic cover photo selection by reporting an unsuitable photo.

This photo is visually disturbing This photo is not a good choice

Thank you for helping!


Your input will affect cover photo selection, along with input from other users.