Payares (Ḷḷena)
parroquia del conceyu de Ḷḷena (Asturies) / From Wikipedia, the free encyclopedia
Payares[3] ye una parroquia del conceyu asturianu de Ḷḷena. Ocupa l'estremu suroriental del conceyu, y llenda al sur y l'este cola provincia de Llión, al oeste coles parroquies de Samiguel del Río y Chanos de Somerón y al norte y noreste cola parroquia de Cabezón. Tien una estensión de 43,62 km² y una población de 111 hab. (2018)[4][5]. Los más d'ellos, viven nel pueblu homónimu, y los otros repártense ente los llugares d'El Brañiḷḷin, La Campa, Floracebos, La Malvea, El Nocíu, La Estación, La Pedrosa, Santa Marina y Viḷḷar.
Payares | |
---|---|
Alministración | |
País | España |
Autonomía | Principáu d'Asturies |
Provincia | provincia d'Asturies |
Conceyu | Ḷḷena |
Tipu d'entidá | parroquia d'Asturies |
Nome oficial | Payares (ast)[1] |
Códigu postal |
33693 |
Xeografía | |
Coordenaes | 43°01′05″N 5°46′37″W |
Mapa de les parroquies del conceyu asturianu de Ḷḷena | |
Superficie | 29.073 km² |
Altitú | 929 m[2] |
Llenda con | Samiguel del Río, Cabezón y Chanos de Somerón |
Demografía | |
Población | 111 hab. (2018) |
Porcentaxe |
1.08% de Ḷḷena 0.01% de provincia d'Asturies 0.01% de Principáu d'Asturies 0% de España |
Densidá | 3,82 hab/km² |
Más información | |
Estaya horaria | UTC+01:00 |
El pueblu de Payares, pola so condición de llugar de pasu obligáu nel camín que lleva a Castiella dende'l centru d'Asturies, ye nomáu en bien de dicires y cantares. Recoyeremos equí, ente los munchos que cita Luciano Castañón, los dos que vienen darréu:
Cuando las tres Marías (que son trés estrelles) van al paliru, salen las de Payares al filandiru.
En Payares non te pares, en la Romía nin de noche nin de día.
Los payariegos, según se recueye nel llibru citáu, son denomaos bainas.