Pequeña Edá de Xelu
From Wikipedia, the free encyclopedia
La Pequeña Edá de Xelu (PEH) foi un periodu fríu que tomó dende empiezos del sieglu XIV hasta mediaos del XIX. Punxo fin a una era extraordinariamente calorosa llamada óptimo climáticu medieval (sieglu X al XIV). Hubo trés máximos: sobre 1650, alredor de 1770 y escontra 1850.[1] Primeramente pensóse que yera un fenómenu global, pero darréu foi desmentíu. Bradley y Jones (1993), Hughes y Díaz (1994) y Crowley y Lowery (2000),[2] describen la PEH como «una dómina onde l'hemisferiu norte tuvo un modestu enfriamientu de menos de 1 °C». La NASA define'l términu Pequeña Edá del Xelu como un periodu fríu ente 1550 y 1850 con tres periodos particularmente fríos: unu empezando en 1650 (Mínimu de Maunder 1645-1715), otru en 1770 y el postreru en 1850, cada unu separáu por intervalu de llixeru calentamientu;[3] y, según Martin y Olcina, señalen n'España cuatro periodos de sucesos catastróficos (metá del sieglu XV, 1570-1610, 1769-1800 y 1820-1860).