Premiu Sájarov
From Wikipedia, the free encyclopedia
El Premiu Sájarov pa la Llibertá de Conciencia, bautizáu asina n'honor del científicu y disidente soviéticu Andréi Sájarov, foi establecíu en 1988 pol Parllamentu Européu como un mediu pa homenaxar a persones o organizaciones que dedicaron les sos vides o aiciones a la defensa de los derechos humanos y les llibertaes.
Premiu Sájarov | ||
---|---|---|
Premiu a | derechos humanos, llibertaes | |
Concedíu por | Parllamentu Européu | |
Llocalización | Europa | |
Historia | ||
Primer entrega | 1988 | |
y http://www.europarl.europa.eu/sakharovprize/it/home/the-prize.html Sitiu oficial | ||
[editar datos en Wikidata] |
Los candidatos son nomaos polos eurodiputaos y los grupos políticos del Parllamentu Européu. De la llista de candidatos, la comisión d'Asuntos Esteriores escueye a trés "finalistes". Los presidentes de los grupos políticos (la Conferencia de Presidentes) darréu escueyen unu o más ganadores. El premiu ye formalmente apurríu pol Presidente del Parllamentu Européu mientres la sesión plenaria d'avientu. El ganador recibe un certificáu y un cheque de 50.000 euros.