Presidente de la República Dominicana
From Wikipedia, the free encyclopedia
El Presidente de la República Dominicana ye'l Xefe del Estáu, del Gobiernu y líder del poder executivu de la República. Ye'l cargu políticu más altu del país.
Presidente de la República Dominicana | |
---|---|
cargu públicu | |
presidente, xefe de Gobiernu y xefe d'Estáu | |
Titular | Luis Abinader |
Parte de | Gabinete de la República Dominicana (es) |
Xurisdicción | República Dominicana |
Institución | Gabinete de la República Dominicana (es) |
Estáu | República Dominicana |
Creación | 14 payares 1844 |
Llista | Presidente de República Dominicana (es) |
Sitiu web | http://www.presidencia.gov.do/ |
L'artículu CXXVIII de la constitución encarga al presidente de la «fiel execución de la Llei Dominicana» y confier-y el rangu de comandante en xefe de les Fuercies Armaes, la Policía Nacional y tolos cuerpos de seguridá del Estáu. Tien facultá pa designar ministros, otorgar indultos, moratorias y el deber del velar pola seguridá nacional y la recaldación ya inversión fiel de les rentes nacionales. La constitución tamién la asitia como la cabeza de la política esterior del estáu y otorgar la facultá de nomar a los representantes diplomáticos a encamientu y aprobación del Senáu de la República Dominicana.
El presidente ye escoyíu por aciu sufraxu universal pa un mandatu de cuatro años. Dende la Constitución de la República Dominicana de 1966, nel so cambéu del añu 2015, nenguna persona puede ser escoyida pal cargu de presidente más de dos veces. En casu de muerte, destitución, dimisión o arrenunciu d'un presidente, el vicepresidente asume la presidencia. A falta de dambos, el Poder Executivu puede entamar un gobiernu interín o pasar el control del gobiernu a manes del Poder Llexislativu.
Hubo 53 persones qu'asumieron el cargu. El primer presidente foi Pedro Santana que foi investido en payares de 1844 por decisión de la Xunta Central Gubernativa. L'actual presidente ye Danilo Medina, surdíu de les files del Partíu de la Lliberación Dominicana y investido el 16 d'agostu de 2012.
A partir de la primer década del sieglu XXI, la presidencia dominicana tomó un rol más participativu a nivel global, estrechando llazos diplomáticos en tol mundu y sirviendo como mediador en conflictos tan cercanos como'l Golpe d'Estáu d'Hondures de 2009 y tan alloñaos como'l Conflictu árabe-israelín[1]