Prostitución
From Wikipedia, the free encyclopedia
La prostitución ye la práutica de caltener rellaciones sexuales en cuenta de una compensación económica[1] La prostitución ye exercida mayoritariamente por muyeres (llamaes prostitutes) y neñes (prostitución infantil), ente que los veceros son mayoritariamente homes.[1][2] Tamién esiste, en menor midida, la prostitución masculina, onde los veceros tamién son xeneralmente homes.[1]
Tradicionalmente, la prostitución exercióse en sitios destinaos a esti fin, llamaos «burdel» o «prostíbulos». Estos fueron davezu cases rexentaes por un proxeneta, nes qu'hai prostitutes y habitaciones privaes pa prauticar la prostitución. Tamién se practica en ceres de cais urbanes y llaterales de carreteres industriales, según en bares y discoteca, hoteles y a casa.[3]
La figura de la prostituta ta frecuentemente amestada a la del proxeneta, persona qu'induz a la prostitución llogrando un beneficiu económicu d'ello. Los proxenetes llogren una parte de los beneficios de la prostitutes. Esta rellación puede dase de mutuu alcuerdu en cuenta de un serviciu de mediación o proteición, o bien puede dase por aciu estorsión,[4] violencia física o secuestru.[5] La prostitución forzada se engloba dientro del comerciu illegal de persones conocíu como trata de persones.
La situación llegal de la prostitución varia llargamente en cada país. Na mayoría de los países considérase dafechu illegal. N'otros la prostitución nun ye illegal pero sí'l proxenetismu. Dellos países nórdicos (Suecia, Noruega ya Islandia) adoptaron un modelu onde'l veceru comete un crime, pero non la prostituta. Tamién hai dellos países como Países Baxos o Alemaña onde la prostitución ye un oficiu reguláu.