Ostrogodos
From Wikipedia, the free encyclopedia
Los ostrogodos[1] foron un pueblu xermánicu procedente de la división que sofrieron los godos nel sieglu IVSieglu IV.
Ostrogodos | |
---|---|
grupu étnicu históricu | |
tribu y Pueblu godu | |
El Mausoléu de Teodoricu'l Grande, en Rávena, Italia | |
Mapa d'allugamientu | |
Reinu ostrogodu n'Italia | |
Los godos que s'allugaron al este del ríu Dniéster, nes tierres alredor del mar Negru (lo que güei ye parte de l'actual Ucraína y Bielorrusia), formaron una confederación colos pueblos de les estepes conocida como greutungos.[2][2] Los greutungos tuvieron somorguiaos a los hunos dende l'añu 375, añu nel que vencieron al rei Hermanaricu, hasta la batalla de Nedao, asocedida en 454, cuando repunxeron la so independencia, y los ostrogodos, como pasaron a denomase, afitáronse como un pueblu federáu de Roma.[3]
Postreramente xuniéronse-yos otros godos que fuxeran de les sos tierres a la llegada de los hunos. Nel añu 474 Teodoricu'l Grande resultó escoyíu rei, y col tiempu convirtióse nel más conocíu de los monarques ostrogodos. Hebo dellos periodos de guerres y tregües ente él y l'emperador bizantín Zenón. En 488, Teodoricu invadió Italia y en 493 ganó y dio muerte n'Adda a Odoacru, rei de los hérulos.
Tres la so muerte nel añu 526, la situación volvióse tan xabaz que nel 535 l'emperador bizantín Xustinianu I unvió al so xeneral Belisariu escontra los exércitos ostrogodos n'Italia. La superioridá del exércitu bizantín foi la clave pal estermín y l'entartallamientu de la resistencia ostrogoda.
Esti pueblu quedó finalmente asimiláu de mou gradual por otres tribus xermániques, tales como los vándalos y los francos.