Ríu Colorado
ríu d'Estaos Xuníos y Méxicu / From Wikipedia, the free encyclopedia
El ríu Colorado ye un ríu del suroeste de los Estaos Xuníos y noroeste de Méxicu que flúi en direición suroeste y sur polos estaos de Colorado, Utah, Arizona, Nevada, California, n'Estaos Xuníos, y por Baxa California y Sonora, en Méxicu, desaguando nel golfu de California o mar de Cortés (océanu Pacíficu). Con 2333 km de llargor ye'l quintu ríu más llargu d'América del Norte —por detrás del Missouri, Mississippi, Bravo y Arkansas.
Ríu Colorado | |
---|---|
Situación | |
País | Estaos Xuníos |
Estaos | Colorado |
Tipu | ríu |
Coordenaes | 40°28′20″N 105°49′34″W |
Datos | |
Conca hidrográfica | cuenca hidrográfica del Colorado (es) |
Superficie de la conca | 637 137 km² |
Llonxitú | 2334 km |
Caudal | 640 m³/s |
Nacimientu | La Poudre Pass (en) |
Desembocadura | Golfu de California |
Afluentes |
ver
|
Naz en La Poudre Pass, un pequeñu pueblu asitiáu a 3100 m d'altitú nos Montes Rocosos, al norte del estáu de Colorado. Flúi un curtiu tramu escontra'l sur desaguando nel Gran Llagu (Colorado), d'ende flúi en direición suroeste unos 300 km hasta llegar a Grand Junction onde xira al noroeste y pocos kilómetros dempués xira nuevamente escontra'l suroeste, entra n'Utah, pasa por Moab, recibe pela derecha al ríu Green y desagua nel llagu Powell. Al salir d'esti llagu, yá en Arizona, pasa por Page en direición sur, y xira escontra'l noroeste-oeste formando la gran maravía del Gran Cañón. Dempués desagua nel llagu Mead, pocos kilómetros al este de Las Vegas, formando frontera ente Nevada y Arizona y al salir d'esti llagu, en direición sur, sigui formando frontera ente estos dos estaos, llega al llagu Mohave, pasa por Bullhead City, empieza a formar frontera ente California y Arizona, llega al Llagu Havasu y Lake Havasu City, sigue escontra'l sur unos 250 km y llega a Méxicu onde forma frontera ente Baxa California y Sonora y desagua nel golfu de California o mar de Cortés (océanu Pacíficu).
Hasta 1921 el nome de ríu Colorado aplicábase-y al cursu d'agua a partir de la unión de los ríos Grand River y el ríu Verde nel estáu d'Utah. Esi mesmu añu, a pidimientu del estáu de Colorado, pasó a llamase ríu Colorado a tol cursu d'agua qu'empecipia nos Montes Rocosos.
Anguaño'l delta del ríu Colorado ta dientro del área ecolóxica protexida pol gobiernu mexicanu del Altu golfu de California y delta del ríu Colorado.