Ríu Loira
From Wikipedia, the free encyclopedia
El ríu Loira (francés: Loire, bretón: Liger, occitanu: Léger o Leir) ye un llargu ríu européu de l'aguada atlántica qu'escurre namái por Francia. Con un llargor de cuasi 1006 km[1] ye'l más llargu del país.[2] La so cuenca tien una superficie de 117 000 km² y drena más d'una quinta parte del territoriu francés.[3] Tien les sos fontes en dellos manantiales del monte Gerbier de Jonc, nel Macizu Central, nel departamentu d'Ardeche y acaba desaguando nun ampliu estuariu nel océanu Atlánticu, nel departamentu del Loira Atlánticu, al oeste de la rexón occidental de los Países de Loira y del Anjou.
Ríu Loira | |
---|---|
Situación | |
País | Francia |
Organización territorial | Francia metropolitana |
Rexón | Auvernia-Ródanu-Alpes |
Departamentu | Allier |
Tipu | río principal (es) |
Coordenaes | 44°50′30″N 4°13′07″E |
Datos | |
Conca hidrográfica | cuenca hidrográfica del Loira (es) |
Superficie de la conca | 117 356 km² |
Llonxitú | 1006 km |
Caudal | 835 m³/s |
Nacimientu |
Saint-Martial 44°50′18″N 4°13′33″E Saint-Martial 44°50′36″N 4°12′57″E Sainte-Eulalie 44°50′29″N 4°13′07″E Monte Gerbier de Jonc (es) |
Desembocadura |
Golfu de Bizkaia (Saint-Brevin-les-Pins, Saint-Nazaire) 47°17′03″N 2°10′23″W |
Afluentes |
ver
|
Alministrativamente, percuerre cinco rexones franceses —Ródanu-Alpes, Auvernia, Borgoña, Centro-Valle de Loira y Países del Loira— y doce departamentos —Ardèche, Altu Loira, Loira, Saona y Loira, Allier, Nièvre, Cher, Loiret, Loir y Cher, Indre y Loira, Maine y Loira y Loira Atlánticu—, de los que seis lleven el so nome. Traviesa delles grandes ciudaes —Orleans, Tours, Nantes y Saint-Nazaire—, otres de gran tradición histórico-artística —Montsoreau, Nevers, Saumur, Amboise y Blois—, amás d'otres más pequeñes, como Saint-Just-Saint-Rambert, Feurs, Roanne, Digoin, Cosne, Gien, Châteauneuf-sur-Loire, Beaugency, Montlouis-sur-Loire, Saint-Pierre-des-Corps y Chalonnes-sur-Loire.
Hidrográficamente, la so cuenca estrema en delles socuenques socesives:[4]
- «Altu Loira» o «Loira cimeru», hasta Bec d'Allier, en Cuffy, onde s'atopa la confluencia col más importante de tolos sos afluentes, el ríu Allier;
- «Mediu Loira», dende Bec d'Allier a Bec de Vienne, na comuña de Candes-Saint-Martin (Indre-et-Loire), na confluencia col ríu Vienne;
- «Baxu Loira» o «Loira inferior», dende Bec de Vienne al estuariu. La parte del baxu Loira que va dende Ingrandes a Nantes llámase «Valle de Bretaña» (Val de Bretagne).[5] y la que va dende Fresne-sur-Loire hasta la boca del estuariu, «Loira bretón» (Loire bretonne).[6][7]
Hasta mediaos del sieglu XIX, el Loira foi la vía principal al traviés de la cual transitaben les mercancíes del interior del país hasta'l puertu de Nantes. La llegada del ferrocarril, que conectó París con Saint-Nazaire al traviés de Le Mans, camudó esa situación.
El valle ye bien conocíu porque nes sos riberes tópense numberosos castiellos y palacios de los sieglos XVI al XVII francés, conocíos nel so conxuntu como «Castiellos del Loira». Dende la 30 de payares de 2000, un tramu del ríu foi nomáu Patrimoniu de la humanidá pola Unesco, col nome de «El Valle del Loira ente Sully-sur-Loire y Chalonnes-sur-Loire». En 2002 fundóse Val De Loire pa xestionar esti legáu natural.