Ríu Zambeze
From Wikipedia, the free encyclopedia
El ríu Zambeze ye un llargu ríu del África austral, el cuartu pol so llargor de tol continente africanu (tres el Nilu, el Congo y el Níxer) y el más llargu de los que desagüen nel océanu Índicu.
Ríu Zambeze | |
---|---|
Situación | |
Tipu | río principal (es) |
Coordenaes | 11°22′13″S 24°18′30″E |
Datos | |
Conca hidrográfica | Zambezi Basin (en) |
Superficie de la conca | 1 570 000 km² |
Llonxitú | 2574 km |
Caudal | 7000 m³/s |
Desembocadura | Océanu Índicu |
Afluentes | |
Tien un llargor total de 2.574 km. Naz en Zambia, na frontera cola República Democrática d'El Congu y Angola, y en cruciando Angola, Zambia, Namibia, Zimbabue y Mozambique, desagua nel Índicu formando un enorme delta.
La so cuenca hidrográfica tien una superficie de 1.390.000 km²[1] la 16ª cuenca primaria mayor del mundu, entendiendo gran parte de los territorios de Malaui, Zambia, Zimbabue, Angola y Mozambique.
El cursu del ríu Zambeze vese atayáu por numberosos rabiones y catarates, polo que solamente ye navegable con normalidá dende la ciudá de Tete, en Mozambique, hasta la so desaguada. Les mayores interrupciones nel so cursu son les catarates Chavuma, na frontera ente Zambia y Angola, les catarates Ngonye, cerca de Sioma, nel oeste de Zambia, y les catarata Victoria, les mayores del mundu, con 1.708 metros d'estensión y que fueron declaraes Patrimoniu de la Humanidá pola Unesco en 1989. A pesar del so gran llargor, solo ye travesáu por seis pontes: en Chinyingi, Katima Mulilo, les catarates Victoria, Chirundu, Tete y Caia
Hai dos grandes preses nel ríu, dedicaes principalmente a la producción d'enerxía hidroeléctrica: la presa de Kariba, construyida na gargüelu de Kariba, onde conflúin los ríos Sanyati y Kafue, afluentes del Zambeze, qu'aprove d'eletricidá a Zambia y a Zimbabue; y la presa de Cahora Bassa, qu'apurre enerxía a la República Sudafricana. Hai tamién una pequeña estación hidroeléctrica nes catarates Victoria.